رصد ظواهر سلبية في زيارة مقام سيدنا الحسين
تدوال رواد مواقع التوصل فيس بوك بوست تناول الظواهر السلبية في منطقة الحسين والازهر يقوب البوست
من امبارح وانا حزينه على بلدى
ومش عارفه اكتب حاجه
كنت انا وابني فى الحسين
ابني جاي لمدة اسبوع ومسافر تاني لشغله فى الكويت وقالي تعالي
نخرج شويه
روحنا الحسين وكان بقالي فترة طويله مروحتش هناك وشفت السور اللى معمول حوالين الجامع والمكان البراح والانوار الجميلة
قلت الله يامصر ????????
جينا نعدي من السور واحد من الحراس فتحلنا جزء من الحاجز اللى قافل بيه علشان نعدى وبيقول لابني علشان خاطرك بس وانا مستنيك وانت راجع (افهموها انتو بقا) المهم لفينا والمكان جميل الا من شويه باعه متجولين بيشوهوا المكان وعاملين زى النحل ورا السواح
والملفت للنظر كان المكان مليان بالسواح الاجانب والعرب
وكل شويه اقول ربنا يحميكي ياام الدنيا ????????
دخلنا بقا قهوة الفيشاوي
وحوالي ٨٠/١٠٠ سواح موجودين علي القهوة من كل بلاد الدنيا لاني سمعت كذا لغه من الناس اللى موجودين حوالينا
المهم قعدنا على القهوة وبدأت الماساة
حاجات (مخجله)( وتعر )من الستات الباعه الجائلين وقلة ادبهم وقلة ذوقهم مع السياح
ورمي بلاهم على الناس بطريقة مخجله لأي مصري غيور على بلده
امور شحاته ورزاله
قاعدين جنبنا كام واحدمن السعوديه والستات البياعين بيغلسوا عليهم بطريقه الحقيقه مش عارفه اوصفها وكنت مكسوفة ومش قادرة ابص على مناظرهم وهما بيشوهو مصر بطريقة وحشه جدا
مش ناقص الا تمد ايدها فى جيب الراجل تاخد منه اى سبوبه وصلتت عليه بنتها الصغيرة اللى مكملتش ٥ سنين تترمي عليه وتقولو انت بابا
وواحده تانيه تقلع الشبشب المقطع اللى لبساه فى رجلها وتوريه للناس العرب اللى قاعدين علشان يدوها حاجه
لقتني فجأة بزعق واقول
مصر مش كدة ياناس
مش دى مصر
الراجل السعودى رد عليا وقالي عارفين ياهانم مصر عظيمة بناسها
وبقيت فى موقف مخجل من اللى شفته
مش ممكن السياحة تقوملها قومه واحنا كده
صورتنا زفت وهباب قدام الاجانب
وعايزين سياحه !
احنا عايزين شعب كريم
مضياف مش هليب ويكسف
عرتونا كسفتونا
