جميلة السينما عشقت قسوة الرجالة.. وانفصلت عن جوزها الحنين
مريم فخرالدين: «جوزى كان بيشلنى يدخلنى الحمام.. والحياة دى محبتهاش وطلبت الطلاق»
الفنانة الجميلة، مريم فخر الدين، إحدى نجمات الزمن الجميل فى الفن الأصيل، واشتهرت مريم، قبل وفاتها بصراحتها وجرأتها في تصريحاتها .. ومن بين تصريحاتها الصريحة والجريئة، تلك التصريحات القديمة التي أطلقتها بشأن علاقتها بزوجها الثالث الفنان السوري فهد بلان، والمواقف الغريبة في حياتهما.
وتزوج الفنان فهد بلان من الفنانة مريم فخر الدين، والتي وصفت أول لقاء جمعهما وكيف طلبها للزواج قائلة: "كنا نعمل على فيلم جديد، وفهد طويل، نظرت إلى أعلى صدره، لأني لم أكن أحب النظر إلى وجوه الرجال، فأعجبتني رابطة عنقه".
وأضافت: "لم أر وجهه، قال لي المخرج أن أرقص معه، لنصور افتتاحية الفيلم، فرقصنا سويًا وكل هذا لم أنظر لوجهه".
وكانت بداية التعارف مُريبة بقدر غرابة الزواج، فقالت مريم: عرض على الزواج وتزوجنا عام 1967 في لبنان .
وأوضحت: "أنا مكنتش طايقة أبص لأي راجل، كنت لسه متطلقة من التاني، وشهور العدة مخلصتش، وهو كان طويل أوي".
وتابعت: "عملت معاه مشهد وأنا وهو بنرقص وبعد ما خلص، لاقيته جاي يقولي أنا بدي أتزوجك، فقولتله أنت متعرفنيش أصلا.
واستكملت روايتها: قالي لأ أعرفك من الأفلام وانتي زي ما أنتي أهو، المهم أتجوزنا بعد شهور العدة، أصل الإيد البطالة نجسة، وأنا كنت أتطلق وأتجوز تاني على طول".
وقالت: جابلي في يوم واحد راجل كده شكله كحيان، فقولت يمكن قريبه ولا حاجة، وقالي حضري الأكل، وطلعي الحمام واعملي فراخ وكده، فقولت خلاص أكيد قريبه.
وأضافت : والراجل قعد ياكل ومفتحش بوقه، وفي الآخر وهو ماشي، مشيت وراهم أوصل الراجل يعني قريبه ده، لقيت فهد مطلع ربع جنيه وأداه للراجل.
وأردفت : قولتله ده إحنا أكلناه حمام بـ100 جنيه، إديله 200 جنيه مثلا ياكل بيهم ده قريبك، فقالي ده مش قريبي ده سواق التاكسي اللي وصلنى.
وأضافت : «كان كرمه زايد أوى، وكان بيدلعني وأنا مش واخدة على كده، وكان عنده عادات غريبة جدًا، يعني عندهم العروسة تقعد على السرير 9 أيام ورجليها متلمسش الأرض، طب يا أخي عايزة أروح الحمام؟ قال يشيلني يحطني في الحمام، ده طلع روحي قال ده النظام بتاعهم».
وقالت مريم: «أنا استغربت أصل ده مش أول جوز ليا.. فكنت مثلا هقول كل الرجالة كده، ده أنا أول راجل في حياتى كان بيقولي امشي يابت هاتي الشبشب، والتاني كان بيقولي اطبخيلي ومعرفش إيه.. وده أجي أقوم من السرير يشلنى، وحياة فهد بلان دى كانت صعبة أوى بالنسبالى، يعني أبقا عاوزة أروح الحمام يشيلني ويحطني في الحمام ليه هو أنا متكسحة؟».
وأعلنت مريم، أنها قررت الانفاصال عن فهد بلان، تنفيذا لرغبة ابنتها إيمان.
