اسرار البيوت علي مواقع التواصل الاجتماعي ونصيحة لوجة الله

انتشرت علي مواقع التواصل الاجتماعي عا دة سيئه وهي ان تقوم بعض الزوجات ينشر مشاكلها العائلية وطلب النصيحة وتلك نصيحة ثمينة نتمني الالتفات اليها
نصيحه لوجه الله اقصد بيها مصلحة اخواتى المصريين ورضا رب العالمين ....

لكل أخت غاليه بتحكى مشكله بينها وبين زوجها وبتسمع آراء الناس عاوز اقولك على حاجه مهمه ...... انتى بتاخدى آراء ناس متعرفيهاش ممكن واحده ترد عليكى كانت متزوجه نصاب وممكن واحده كانت متزوجه مفترى وممكن واحده كانت متزوجه ابن أمه وممكن واحده متزوجه بخيل وممكن واحده متزوجه نسونجى ..الخ
كل واحده من دول هترد على مشكلتك من خلال تجربتها هى مع جوزها مع العلم ان هى مش انتى ولا شخصيتها هى شخصيتك ولا زوجك مثل زوجها ....يعنى حتى اذا قالتلك حل بما يرضى الله ممكن يكون نفع مع جوزها ومينفعش مع جوزك انتى ....
الحل من وجهة نظرى تتكلمى مع اى شخص قريب من أهلك يكون ثقه ويكون عارف شخصيتك انتى وزوجك ويكون حقانى وبيعرف ربنا علشان لو انتى الغلطانه يقولك وميتكسفش هى دى بس الناس اللى تاخدى منها النصيحه ....
غير كده يبقى بتستعجلى على دخول الشيطان وخراب بيتك
قال تعالى
بسم الله الرحمن الرحيم
وَإِنْ خِفْتُمْ شِقَاقَ بَيْنِهِمَا فَابْعَثُوا حَكَمًا مِّنْ أَهْلِهِ وَحَكَمًا مِّنْ أَهْلِهَا إِن يُرِيدَا إِصْلَاحًا يُوَفِّقِ اللَّهُ بَيْنَهُمَا ۗ إِنَّ اللَّهَ كَانَ عَلِيمًا خَبِيرًا} [النساء : 35] صدق الله العظيم
اللهم اصلح احوالنا واحوال المسلمين جميعا

امثالكم لهم فى النفس احتراما وفى القلب اجلال وفى الوجوه تميزا وفى العين تقديرا اسأل الله العلى القدير أن يحفظكم ويراعكم ويسر قلوبكم ويرزقكم رزقا حلال طيبا مباركا فيه ويجعلكم من سعداء الدنيا والاخرة