شاهد كيف تصرف رجل مع اخر عقب وفاتة

كتب احد رواد فيس بوك هذه القصة التي ننقلها لكم وهي نموذج للرحمة بين بني البشر

صاحب عربيه اتفق مع صنايعي
يعمله شغل في العربيه بقيمة ١٢ الف جنيه
الراجل أخد نص الفلوس و الباقي عند التسليم

فات اسبوعين والراجل صاحب العربية بيكلم الصنايعي تليفونه مقفول باستمرار
قال اروحله اخد فلوسي
او لو خلص اديله الباقي و استلم عربيتي

راح الورشه لقاها مقفوله سأل على عنوانه وعرف بيته ، راح خبط ، فتحت له طفلة صغيرة
قالها بابا فين يا حبيبتي
البنت ردت ب براءة الاطفال و قالت
بابا سافر عند ربنا يا عمو اندهلك ماما ؟!

الراجل صاحب العربية اتصدم من الخبر..!!
و قالها اندهي ماما
خرجت الست لابسة اسود و شكلها حزين وشقيان اوي قالتلو خير يا استاذ..؟
قالها انا كان في شغل بيني و بين جوزك هو توفي؟!
قالت ايوه من اسبوع الله يرحمه
بس لو ليك فلوس ياريت تصبر عليا شهر ابيع عفش الشقة او استلف بس .. والله اطمن
الراجل سكت و بص للبنت الصغيره و للست و الطفلة الرضيعة اللي علي دراعها
و قالها لا يا مدام جوزك الله يرحمه كان عملي شغلي و كان فاضله عندي ٦ الاف جنيه اهم ........
الست اتفجأت و قالت بس هو اصل مكنش ..
الراجل قاطعها و قالها دي فلوسكم و انا خدت حاجتي سلام عليكم .. الراجل اداها الفلوس وراح اخذ عربيتة من قدام الورشة ومشى
تخيل كدا رحمة العبد بالعبد قد ايه جميلة فما بالك بقى برحمة الرحمن بعبده
و مين فينا مش محتاج رحمة الرحمن ..
وجبر الخواطر ..
من احسن انواع التجارة الرابحة مع الله .......