شقيق حبيبي يتقدم لخطبتي وانا ارفض

ياريت لو تنذل مشكلتي من غير اسم واتمني عدم القسوة في الرد من المتابعين لاني اعرف اني اخطات
وانا هحكي مشكلتي واتمني من الناس محدش يأذيني بالكلام لاني عارفه اني غلطت غلط فظيع وسؤالي هيكون موجه اكتر للشباب انا اتعرفت علي شخص وكنا بنخرج عادي سوا لحاد ما ابتدا يتجاوز فالكلام

وفعلآ حصل مابنا تجاوزات وسبنا بعض وربنا يريد انه يختبرني اختبار فظيع واتعرف علي اخوة هو انسان محترم وحبيته من كل قلبي وهو حبني جدآ وعايز يتقدملي بس انا رافضه الخطوة دي جدآ وخايفه وهو ميعرفش اصلآ اني كنت اعرف اخوة والله انا توبت واستغفرت ربي كتير

وحزينه علي اللي عملته وعايزا اسيبه من غير ما اجرحه لكن والله والله انا متعلقه بيه وعايشه بذنب فظيع ارجو من كل شاب محترم لو اخوك اللي مكانه وقالك انو عايز يتجوز الانسانه دي هتقولو ايه؟

واخيرآ عايزا كل اللي يشوف البوست دا يدعيلي ارجوكم ادعولي لاني عارفه غلطي واني ظلمت نفسي وظلمت الشخص دا معايا.. "وما ظلمناهم ولكن كانو انفسهم يظلمون"