زوجة شابة تصرخ: امي خربت بيتي ودمرت حياتي

انا مشكلتي ممكن تكون نصيحة لكل زوجة شابة ان لا تسمح لاحد مهما كان قربة منك التدخل في حياتك

وانا للاسف ضحية امي اللي برغم حبها الشديد ليا للاسف خربت بيتي ب ايديا وسمعت كلامها هي واخواتي في اني اتطلق

حتي أصرت أن الأمور توصل بيني وبين زوجي للمحاكم مش بالود رغم اني كنت رافضه تماما موضوع المحاكم دا إلا أنها أصرت عليه ومش بس كده خلتني اعمل لها توكيل عشان هي اللي تقوم بالقضايا ضد طليقي

وبعد ماطلقت انا مش قادره اعيش ولا اتخيل حياتي من غيره وللاسف لما بشوفه في المحكمه بيبقي مش عايز حتي يبص عليا أو يبقي في مجال بنا للكلام تاني مشكلتي دلوقتي اني مش قادره اسامح امي ولا اخواتي علي اللي هما عملوه فيا طليقي مكنش وحش من اللي بسمعه من حكايا البنات اللي اتطلقت

وعايزة اكلمه يمكن يرضي يسامحني ويرجعني بس للاسف امي واخواتي هيقاطعوني طول حياتي مش قادره اتخيل حياتي وعمري اللي جي كله يكون من غيره واني حرمت ابني من أبوه للابد انا حاسه اني في كابوس وبحلم

هل فعلا ممكن ارجع لطليقي وفي نفس الوقت مخسرش امي ولا اخواتي رجاء افيدو