فكرة (( 5 جنيه كل جمعة )) .دعوة للنكافل علي فيسبوك

تداول رواد موقع التواصل الاجتماعي فيسبوك منشور علي مستوي واسع وعلي العديد من الصفحات ويحمل اليوست فكرة تحمل معاني التكافل الاجتماعي بين المصريين ويقول البوست

الايام دي صعبه علي الكل لكن فيه ناس مننا كتير حوالينا بتئن من وجع ضيق الحال والحوج والعوز .. وفيه فكره جميله ودي ومجرد اقتراح
واتمني أن مجموعة من الشباب تدعم الفكره ويتم التنفيذ لأن الناس الي محتاجه كتييير واتمنى ان كل القري تعمل كدا الناس للناس اللي منها
فكرة (( 5 جنيه كل جمعة )) ..
الفكرة بتقوم على إن كل واحد فى البلد وهو رايح يصلى الجمعة ياخد 5 جنيه معاه و يحطها فى صندوق اسمه ( 5 جنيه كل جمعة ) ،،
5 جنيه بس .. مش كل يوم .. دا كل جمعة ..
لو قلنا إن عدد اللى بيصلوا الجمعة حوالى 2000 متوزعين على كل مساجد البلد ،،
هيكون معانا فى الأسبوع 10000 جنيه ..
نضربهم بقا فى 4 أسابيع فى الشهر 40000 ألف جنيه ..
دا غير إن فيه ناس ممكن تدفع أكتر من كده ..
يعني في 3شهور ممكن نجهز عروسه؟؟
ممكن نساعد مجموعة من الأسر الفقيرة ونسد دينهم ؟؟
ممكن نساعد يتامى ؟؟
ممكن نساعد مريض فى علاجه ؟؟
ممكن نساعد الطلاب غير القادرين ؟؟
ممكن ولا لأ ؟؟
ال 5 جنيه مش هتفرق مع اللى هيدفعها ..
بس هتفرق مع ناس تانية محتاجة مساعدة ..
ياريت لو عجباكم الفكرة تحاولوا تفعلوها عن طريق طرح الموضوع
ويكون قائم عليها الائمه وناس افاضل قائمين علي الصلاة في أوقاتها للمتابعه
ويكون كل واحد مختص بالمسجد اللي تبعه عشان يكون رسمى ..
وبعد ما يتم باذن الله كل مسجد ومسئولينه يعلنوا عن العمل اللي خرج وكل مسجد يكون مسئول عن المحتاجين بالجهه اللي تخصه بكدا مساجد البلد هتغطي كل الأسر المحتاجه بالبلد ... واظن ده من حفاظ وسلام الأمن المجتمعي
فكرة بسيطة .. ممكن تحقق أحلام كتييييرة
بارك الله فى صاحب الفكره

ورد احد المتفاعلين علي اليوست مشكك في امكانية تنفيذ للاسباب التي ذكرها وقال في ردة
فكره ممتازة بس تتنفذ صح .. ولكن هل يجوز تفعيل هذه الفكره دون علم من وزارة الأوقاف وأخذ تصريح رسمى بذلك ؟!