شاب يعترف زواجي في بيت عائلتي خرب بيتي وطلقت زوجتي
لكل انسان اسباب في قرار التخلي عن نصفة الاخر ويبقي اختلاف الاسباب من شخص الي اخر وخلال هذة المشكلة يطرح صاحب المشكلة قضيتة وملخصها هو تدحل الاهل بين الزوجين كلا برائية ليحدث في النهاية الخراب الذي لايعاني منة الا اصحاب الموضوع الذي تتحول حياتهم الي جحيم لايدركة ولا يحس بة من كان سبب في ذلك الخراب ويقول في رسالتة
انا شاب عندي ٣٠ سنه كنت متجوز عن حب و تم الانفصال بعد سنتين جواز .كنت متجوز انسانه الكل يشهدلها بالاخلاق والادب وكنت بحبها ومازلت وهي كمان كانت بتحبني جدا بس انا كنت اعمي عن الحب ده مشوفتش الحب ده غير بعد الانفصال
بيت العائلة سبب فشل الزواج
كانت مشكلتنا انها مش مبسوطه من العيشه ف بيت عيله وانها مش عارفه تاخد راحتها وانه مفيش خصوصيه ف حياتنا و كانت بتطلب دايما اننا نستقل يحياتنا بعيد عن بيت العيله ونجيلهم زيارات مع العلم انه بإمكانا اننا نستقل بس انا اللي رفضت وقولتلها مش عايز ابعد عن اهلي
كانت دايما تشتكي من امي واخواتي وانهم بيضايقوا سواء بالكلام او بالافعال وانها بتعاملهم احسن معامله علي الرغم من معاملتهم ليها بس انا مكنتش شايف كده كنت دايما شايفهم بيعاملوها كويس وهي تقولي قدامك بس بيعملوا كده مكنتش بصدقها وكنت بميل لاهلي.
قرار الانفصال
جابت اخرها وقررت انها مش هتعيش في مكان مش مبسوطه فيه بعد مناقشات كتير وخناقات كتير اخدت هي قرار الانفصال وتم الانفصال .
وبعد الانفصال عرفت واتاكدت اني مش هلاقي زيها ابدا ابدا وانها كانت دايما صح و علي حق مفيش احسن من الخصوصيه
تنكر الاهل بعد خراب بيتي
واهلي اللي حياتي باظت بسببهم محدش نفعني و لا وقف جنبي .
انا ندمان اشد الندم اني مكنتش بسمع لمراتي كنت دايما شايفها اوفر لانها مش بتعرف تعبر عن اللي جواها
واغلب كلامها دبش فكنت باخدها على قد عقلها وخلاص .انا اسف ليكي ياريت تسامحيني ونرجع لبعض انا مبقتش عارف اعيش من غير والله....
