معرفة الفيسبوك بيهددني يخرب بيتي وفضحني علي الجروبات

انا متجوزه فاول جوازي اتعرفت علي واحد من الفيسبوك ووالله حبيته بجد وعرف عني كل حاجه وبعت ليه صور وفيدوهات وبعدها بفتره حصل حاجه فوقتني بقيت اعيط لربنا علشان يغفرلي ورجعت لصلاتي وبقيت كارهه اي حاجه حرام كلمته قولتله انا مش عاوزه غضب من ربنا عليا انا عاوزه اتوب والنبي ابعد عني.
فجأة اتحول وبقي شخص معرفوش بقي يشتمني بالفاظ وحشه ونزل رقمي علي جروبات وعمل ميل باسمي وبعت لاخواتي كاني انا وصلني اني كنت هنتحر واصحي من النوم اصوت واخواتي وجوزي احتاروا فيا ايه بنتي بقت تعيط علي عياطي وبقت تخاف غيرت رقمي بعد ما نفسيا كنت منهارة وكرهت الناس، ازاي انا كنت بعمل معاك كل الحلو ووقفت جمبه مادايا ومعنويا وخسرت كتير بس ده مش مهم، المهم غيرت رقمي ووصل لرقمي الجديد ورجع بقي يقولي انا مش هعمل حاجه بس تفضلي جنبي متفكريش تبعدي افضل اعيط واقوله سيبني اعيش حياتي طبيعي انا تعبانه.
رجعت اكلمه من خوفي واقوله خايفه منك وهو يقولي هو انا عملت حاجه لو مرنتش يومين تلاته مثلا يقلب وشه عليا ويحاول يفكرني باللي حصل بس انا مدمرة كل ما اسمع صوته غصب عني اعيط وبقي يقولي هو انا كل ما اكلمك هتعيطي نفسي اموت ده الحل الوحيد لاني بجد خايفه يفضحني وانا هموت لو ده حصل لاني والله محترمه وعارفه ربنا الفتره اللي اذاني نفسيا فيها مش عارفه انساها وهو مش عاوز يبعد وبيقولي لو بعدتي تاني هتزعلي، خايفه ومش قادره اعيش ولا اضحك تاني اعمل ايه وهو مش بيهمه حد وهخاف اعرف اخواتي او حتب ابلغ.