زوجي تزوج جارتنا الجديدة بعد عشرة 17 سنه
أنا متزوجة من 17 سنه عندى ولدين وبنوته على قدر عالى من الجمال جوزى موظف بوظيفة محترمة وحالته ووضعه مرتاح جداً فرق السن بيننا 12 سنه
زوجي محترم وسمعتنا طيبة
زوجي طول فترة زواجي معة كان راجل محترم وفي حاله وسمعتنا طيبة المهم اشترينا قطعة أرض نبنيها مشروع ومنزل استثمار أنا عايشه أصلا فى بيت جميل لكن الأرض دى بناها بيت ومحلات هى بصراحة بتاعتى بفلوسى أنا المهم للأسف أتعرف على جارتنا في البيت الجديد وتطور الموضوع وتزوجها ع العلم أنها متزوجة
اتفاق سري مع جارتنا علي الطلاق من زوجها
وطلبت الطلاق علشان تتجوز جوزى وعندها 3 بنات كبار فى جامعة ومنهم بنت متزوجة وولادها موافقين بالوضع وبيقولوا حقها وعادى وأنا من أول ما اتجوزها وأنا رافضة الوضع تماما وكل شوية أطلب الطلاق وهو مش راضي بيقولى بحبك وأنتى وولادى أهم حاجة عندى نفس الاسطوانه كل يوم ومفيش جديد
معركة استعادة زوجي من جارتنا مستمرة
ويقولى والله دى غلطه ونفسي أطلقها بس مسأله وقت علشان أهلها ميقولوش أنت خربت بيتها وسيبتها في الآخر ويغلطونى وأنا بصراحة مش عارفه أصدقه واقف جنبه زى ما بيقول ولا اتمسك بموقفى وارجع بيت أهلى واخيره أما يطلقها أو يطلقنى متجوز بقالو 8 شهور وأنا برضو بحبه وهو بيتمنالى الرضا أرضى والله بس برضو أنا رافضاها جدآ ورافضه فكرة التعدد ومحدش يقول طالما بيصرف على ولاده عيشى لأن الفلوس مش هتعوضنى عن جرحى تعبانه جداً ومش قابله الوضع مش بإيدى والله بالله عليكم تفيدونى بنصيحة لوجه الله أسفه للإطاله
