شاب يرفض القائمة وعاوز يدفع مهر فقط
أنا بس عايز أخد رأي الناس في الموقف إللي أنا عملته.
أنا كنت متقدم لبنت و كانت الأمور تمام بيني و بينها و تم التعارف بين العيلتين و الأمور كانت تمام لحد ما جينا في جلسة الإتفاق ....
و أنا عرضت على والدها إن الحاجة تمشي طبقاً للسنة بحيث يكون على العريس كل حاجه و أي حاجة هو هيجبها لبنته هي هديتها و أنا ليس لي دخل بها على الإطلاق ...
و هو كان عايز يمشيها عرف بحيث أنه يساعد بالنص و أكتب قائمة منقولات بكده..
ف أنا رفضت عرضه. و قولت له إني مش هكتب حاجة و إني أقدر أجهز بيتي على قد مقدرتي و حقها إللي أكتبه هو المهر (الصداق) كشبكة تعتبر مقدم و مؤخر يدفع لها نقداً.. و ده دين عليا و لازم اسدده و يرجع لحضرتك تقييم مهرها كولي أمرها مقارنة باقرانها ...
فرفض و قالي أنه هيرجع لها في الأمر ده لو وافقت و إنه مش ضامن حق بنته لو حصل انفصال لاقدر الله.... فهل أنا مخطئ ؟؟ أنا كررت معاه حكايه إني و أهلي رافضين لحوار القائمة ده نهائيا...
و إن الفكرة إنهم يتقبلوني بامكانياتي و لو كده المفروض الاتفاق الصح يكون إزاي ؟؟؟
ثانياً إني تعلقت بالبنت و شايفها مناسبة..
