لية كده يا جدعان ؟!!!! ابو الهدد يعلن العصيان

كتب الصحفي عمر البدري علي صفحته

غريب أمر البشر ، يطلب التطوير وتوفير حياة كريمة .. لكنه يرفض قبول التغير ويرفع
شعار " أبو الهدد" .. الدولة أنفقت المليارات من الجنيهات فى تغير وجه الحياة من تحديث البنية التحتية .. رفع كفاءة الشوارع ، إعادة رصف الطرق الرئيسية ، وضع لمسات جمالية على مداخل ومخارج الشوارع الداخلية ، لكن ما زال أبو الهدد هناك يرفض الإعمار والتطوير فى ظل غياب أجهزة الأحياء التى تعج بالموظفين من كل صوب وحدب ومرتبات خيالية وكأنهم فى بنوك سويسرا..
الصورة القادمة التقطتها عدسة هاتفى عند مدخل النزهة الجديدة محطة برتى بدار على شارع جسر السويس ناحية حى النزهة الجديدة ، الدولة طورت ورفعت كفاء الشارع ، قامت بالرصف وتغير الانترلوك وأزالت كشك بدون ترخيص كان كل يوم يرش ميه ويكنس المكان وكله بالحب يمشى .. فرحنا بالتطوير لما وضع حى النزهة الجديدة لافته تشير بعدم دخول التوك توك شوارع المدينة .. مر الموكب بسلام .. لكن " أبو الهدد" زعلان وأعلن العصيان .. جاب تلات عربيات .. فول أخضر ويوسف افندى وعربية موز يا جدعان وعمل موقف توك توك كمان ..لف شمال ولف يمين مش لاقى حاجه يسند بيها عربية الكارو .. اكتشف الحل بجواره .. خلع بلاط الانترلوك كله.. بل خلع البلدوره كمان .. وضع عدد منها اسفل عربية الكارو .. طيب والميزان عايزين نروق عليه ونعليه حبتين .. راح خلع بلاط الانترلوك ووضعه أسفل الميزان.. طيب وقفص اليوسف أفندي اللى ورائى اسيبه كده زعلان .. نحط تحتيه بلاطتين انترلوك كمان وكله ببلاش ما احنا ملوك هذا الزمان .. ينفع كده يا جدعان !!!!

الصورة بألف كلمة .. قرب الصورة واكتشف الحدوته .