الي ميشفش من الغربال يبقي اعمي- انجازات امام عينيك فشاهدها

كتب الكاتب الصحفي محمد شبارة علي صفحتة قائلا

واحد صديقي كل ما يشوفني ايه يا عم اللي انت بتكتبه علي الفيس بوك ده وآخرها النهاردة
"نفسي اعرف مؤيدين السيسي شايفين ايه احنا مش شايفينوا؟"

 

إجابة بسيطة

#شايفين مدن بتتبني وتتسلم

#شايفين ٢ مليون ونص مريض بفيرس سي خفوا

#شايفين عشوائيات بتتحول لكمباوندز

#شايفين جيش بقي من اقوي عشر جيوش علي وجه الارض

#شايفين اكبر محطات كهرباء في العالم

يشايفين ان مفيش طوابير عيش ولا أنبوبة ولا بنزين

#شايفين ان اكتر من ٣ مليون مواطن بياخدوا معاش تكافل وكرامة

#شايفين ان اكتر من ٢ مليون عامل كانوا مش لاقين شغل اشتغلوا في مشروعات قومية

#شايفين ٧ آلاف كيلومتر من الطرق المبنية بمواصفات دولية

#شايفين منظومة تموين العالم كله بيشيد بيها

#شايفين مؤسسات الاقتصاد الدولية اللي كانت مديالك تقدير سلبي اتحول لمستقر ودلوقتي ايجابي

#شايفين اكبر شركات عالمية رؤوس اموالها بالمليارات اصحابها بقوا شبه مقيمين فى مصر من كتر المشروعات اللي بيشتغلوا فيها
زي سيمنس وبريتش بتروليم وايني الإيطالية

 

#شايفين مؤتمرات شباب وتحاور معاهم بطريقة عمرنا ماشفناها قبل كدة

#شايفين اربع انفاق اتبنوا تحت قناة السويس في ٣ سنين بعد ما كان عندنا نفق واحد علي مدار اكتر من ٤٠ سنة

#شايفين جيش بيحقق انتصارات وحامي ارضنا وعرضنا وبيتكلم عن انتصاراته كل العالم

#شايفين خارجية قوية مبتسمحش لاي حد يتكلم عن بلدك ربع كلمة بعد ما كنا بنسمع شتيمة مصر ومفيش خارجية ترد

#شايفين مزارع سمكية ومصانع تعبئة وتغليف ومدينة جلود ومدينة خشب بتوفر آلاف فرص العمل

#شايفين الصادرات المصرية اللي بقت في العالم كله

#شايفين ان واردتنا قلت

#شايفين ان العملة الصعبة بقت متوفرة والاحتياطي قفز ل ٤٥ مليون دولار

هل مصر بقت دولة متقدمة ومفيهاش غلطة
لا طبعا مليانة لسه مشاكل وبلاوي
بس علي مساحة مصر وتعداد سكانها
اللي حصل في مصر في ٦ سنين انجاز بكل المقاييس.. العالم كله بيتكلم عنه

وعلشان كدة متمسكين بال #السيسي وعايزينوا يكمل
اللي بداه...

الي ميشفش كل الإنجازات دى يبقى ربنا عماله قلبه وعقله وبصره كمان وملأ قلبه بغل وحقد ...مش عايزينه يعيش معانا ..قولا واحدا...
مش من حقه يحصد خير صبرنا علشانه...
والريس ربنا يحميه حقه يحصد نتيجة كل مشروع بدأه...متمسكين بيك يا سيسي...
هو بوتين اخد ولاية مدى الحياة محدش بقي يقول اصل الديمقراطية والهرى الي بيتصدر لينا ده ....