حمادة هلال يقول تامر حسني اخد اغنية مني وربنا عوضني

قال المطرب الشعبي ا حمادة هلال أن أغنية "بشوقك" التي غناها النجم تامر حسني، كانت في الأصل له، وعمل عليها لمدة 6 أشهر.

واضاف هلال، خلال لقاء مع برنامج "حبر سري"، على قناة "القاهرة والناس" المصرية: "أغنية بشوقك دي غنوتي قعدت اشتغل عليها 6 شهور وتعبت فيها والملحن والمؤلف عارفين ده كويس، لكن انشغلت في مرض أمي حوالي أسبوعين".

واشار الي أنه بعد الأسبوعين تواصل مع الملحن والمؤلف لتنفيذ الأغنية، لكنه فوجئ بأن الأغنية ذهبت في اتجاه آخر. وتابع: "كلمت فريق العمل وقلت لهم دي غنوتي وحقي، وده حرام".

واستكمل: "أنا كنت فرحان بالأغنية دي، وكنت أقدر أزعل اللي حولوا مسار الأغنية، وكان ممكن أنزل تاني يوم بها على السوشيال ميديا، لأنها بتاعتي ومجهودي بس قلت بلاش، واستعوضت ربنا، وعوضني بعدها علطول بأغنية (أشرب شاي) وكسرت الدنيا وبقت غنوة وإعلان".

واضاف موضحا أنه: "بعد 15 يوما رحت لمي كساب علشان كانت عيانة وقابلت أوكا وأورتيجا وقيل لي عندي أغنية اسمها (أشرب شاي) وبقت أغنية وإعلان وفيها الخير".

واكد قائلا "أنا مش زعلان على الأغنية بس أنا لو حد قال لي دي أغنيتي وشقيان عليها وانشغلت في مرض أمي، هقولك خدها مش هقول له أنا أخذت تنازل. هو إحنا بقينا في قانون الورقة والقلم ولا قانون الكلمة والجدعنة"، مؤكدا أنه صدم في الأشخاص وليس حزينا على فقدان الأغنية.

وحول رأيه في أغاني المهرجانات، قال حمادة هلال إنه موضة حديثة؛ حيث تظهر مع كل فترة موضات فنية جديدة بينما الراب قديم. وأضاف: "أغاني المهرجانات موضة والراب قديم وطلع دلوقتي التراب، و(مغني الراب) ويجز صحبي جدا ومن شلتي، وهم مجموعة شاطرين جدا وبنفكر في أفكار نعملها مع بعض".