حوادث اليوم
الخميس 13 يونيو 2024 01:16 مـ 6 ذو الحجة 1445 هـ
بوابة حوادث اليوم
رئيس التحريرصلاح توفيق

اعترافات صادمة للمتهم بقتل 3 مصريين في قطر

المتهم
المتهم

أدلى المتهم بقتل 3 مصريين في قطر، باعترافات مثيرة، حيث باشرت نيابة حوادث شرق القاهرة التحقيقات في الواقعة، واستمعت لأقوال شقيق أحد المجني عليهم في الحادث الذي وقعت أحداثه في شقة سكنية بدولة قطر.

اعترافات المتهم بقتل 3 مصريين في قطر

أدلى المتهم بقتل 3 مصريين في قطر باعترافات تفصيلية حول الحادث، عقب القبض عليه في مطار القاهرة بعد عودته من قطر هاربا من جريمته، حيث تبين من التحريات أن الشاب يدعى “ت. م”، يعمل مبلط سيراميك، وارتكب جريمة قتل 3 شبان داخل شقة في قطر.

وقال المتهم بقتل 3 مصريين في قطر: «أنا سافرت قطر عشان أحضر كأس العالم، وبعدين قررت إني أهرب هناك، وفضلت موجود في قطر، وحاولت أدور على أي شغل لكن فشلت، وفضلت قاعد في الشوارع لحد ما قابلني 3 شباب اسمهم عبد السلام وجمعة وعلي، وعرفوا حكايتي وقالولي إحنا ولاد بلد واحدة وهناخدك معانا الشقة».

قاتل 3 مصريين في قطر: غدرت بيهم


وأضاف المتهم في التحقيقات أمام نيابة حوادث شرق القاهرة: «أنا قولتلهم مش معايا أي فلوس خالص، ومش لاقي مكان أنام فيه، وروحنا الشقة كلنا، وجابولي أكل وبعدين قالولي هنحاول نشوف لك شغل، وساعتها عبد السلام وعلي كانوا بيدورا على شغل عشاني، لكن جمعة كان دايما قلقان مني ومش مرتاح لوجودي، وفضلت قاعد معاهم لحد نهاية شهر رمضان».

وتابع: «في آخر رمضان بلغوني إنهم مش لاقيين شغل وأنا لازم أرجع، وإنهم هيساعدوني في الرجوع، وفعلا جمعة راح حجز لي تذكرة سفر للقاهرة، ورجع قالي إن ميعاد السفر رابع أيام عيد الفطر الساعة 6 الصبح، وبعدها خططت لارتكاب الجريمة عشان أسرق فلوسهم وأهرب».

واستطرد قاتل 3 مصريين في قطر قائلا: «قبل السفر بكام ساعة روحت مسكت آلة حادة وقتلت بيها عبد السلام وأخوه جمعة وهما نايمين، وجمعت كل الفلوس والموبايلات بتاعتهم، وجيت أهرب لقيت علي صاحبهم داخل روحت قتلته هو كمان، وحطيت الجثث في أوضة وأخدت كل حاجة، وقعدت نضفت البيت كويس، وخرجت على المطار عدل، وأول ما خرجت من مطار القاهرة اتقبض عليا».

العيون الساهرة

    xml_json/rss/~12.xml x0n not found