تفاصيل اغتصاب ربة منزل على يد 3 أشقاء داخل مشتل بمصر القديمة
حصل «موقع حوادث اليوم» على أوراق اتهام 3 أشخاص بالتعدي جنسيًا على ربة منزل داخل مشتل في منطقة الملك الصالح دائرة قسم شرطة مصر القديمة في القاهرة.
تفاصيل اغتصاب ربة منزل على يد 3 أشقاء داخل مشتل بمصر القديمة
أفادت التحقيقات بأن المتهمين اغتصبوها تحت تهديد سلاح أبيض، كما خطفوا ابنتها الطفلة وعرضوا حياتها للخطر.
لم تستطع ربة المنزل الهروب من أيدي الأشقاء الـ3، وحين لاذت بالفرار لاحقوها وخطفوا ابنتها وهددوها حتى ظفروا بها وتناوبوا على اغتصابها، وفق التحقيقات، إذ روت المجني عليها أن المتهمين تعدوا عليها لنحو 3 ساعات كاملة.
قالت المجني عليها في التحقيقات: «اللي حصل إن أنا سبت بيت أهلى ونزلت الشارع واتعرفت على واحد اسمه (سعد. م) اتجوزنا عرفي وعشت معاه في البيت وبعد كده حملت منه وهو اتحبس قبل ما أولد بشهرين بعدها ولدت وقضيت مع أمه فترة بس مسجلتش بنتي عشان ورقتين الجواز العرفي ضاعوا مني وبعد كده اتخانقت معاها وسبتلها البيت وكارما بنتي فضلت معاها».
وتضيف: «وعشت في الشارع فترة في منيل الروضة، وعرفت واحد اسمه (محمد.ع) اتجوزته عرفي بردو بعد ما خليت جوزي الأولاني يطلقني في التليفون وعشت معاه فترة وبعدها سبته، اتعرفت على 3 أشقاء، كانوا عايشين في نفس المنطقة اللي كنت قاعدة فيها، حصلت خناقة معاهم ضد واحد بلطجي واحد منهم اتعور وقتها قالي انتي السبب اني اتعور لأني اتعورت بسببك والدم ده انتي اللي هتحاسبي عليه وخطفوني وودوني الآثارات في منطقة بطن البقرة قلعوني هدومي ووقفوني عريانة وطلعوا موبايل وصوروني فيديو كان في واحد من الناس أنقذني منهم، وبعدها روحت آخذ بنتي من عند حماتي وفضلت عايشة في الشارع لمدة سنة وكنت بسيب بنتي مع أي حد في المنطقة وأروح أجيب فلوس علشان اعرف اصرف على بنتي فتقابلت مع 3 أشقاء فخطفوا بنتي وقالوا لو معملتش اللي هما عايزينه هيموتوها، فتعدوا عليا واغتصبوني غصبًا عني واحد تلو الآخر، ومعرفتش اعمل ايه فضلت قاعدة معاهم علشان آخد بنتي».
وأضافت: «هما استغلوا إني ماليش مكان أروحه، وكانوا بيوفرولي مكان أبات فيه وده كان بالعافية علشان لما حد يجيلوا مزاج ينام معايا سواء بالتهديد أو يضربني أبقى موجودة وكمان كانوا بيجاملوا اصحابهم علشان يناموا معايا أكثر من 5 مرات».
تلقى قسم شرطة مصر القديمة بلاغًا من أحد الأشخاص بالعثور على طفلة بجوار مقلب قمامة بدائرة القسم، وانتقل رجال المباحث إلى مكان الحادث، وتبين العثور على طفلة تدعى «كارما»، وعلى الفور تمكن رجال المباحث من الوصول إلى والدتها.
