اعترفتلي بخيانتها.. اعترافات قاتل زوجته بالتجمع
أثارت واقعة مقتل مرام أسامة العماوي حالة من الغضب بين مستخدمي مواقع التواصل الاجتماعي، بعد أن كشفت التحقيقات مع أسرتها والمتهم بقتلها، تفاصيل صادمة حول تعرضها للتعذيب والإهمال الطبي على يد زوجها، رجل الأعمال، داخل منزلهما في التجمع الخامس.
وبدأت المأساة بخلاف نشب بين المجني عليها وزوجها، تطور إلى اعتداء عنيف، حيث أقدم المتهم على ضربها المبرح، مما تسبب في إصابات خطيرة في الرقبة والبلعوم.
وبدلًا من نقلها إلى المستشفى لإنقاذها، قرر الزوج احتجازها داخل المنزل لمدة 5 أيام، رغم تدهور حالتها الصحية، ومع تفاقم المضاعفات، لم يتم نقلها إلى المستشفى إلا بعد أن وصلت إلى حالة حرجة، حيث فشل الأطباء في إنقاذها، لتفارق الحياة، تاركة خلفها طفلتين دون أم.
اعترافات قاتل زوجته بالتجمع
س: ما قولك فيما هو منسوب إليك بأنك متهم بقتل مرام أسامة عمدًا؟
ج: أنا ضربتها بالقلم بس على وشها ومعملتلهاش حاجة تاني.
س: ما الطريقة التي تعرفت بها على مرام؟ وماظروف عرضك علينا؟
اتعرفت على مرام على تطبيق اسمه bumble على النت، وقعدنا نتكلم على التطبيق لحد ما ابتدينا ننزل مع بعض ونقرب وفضلنا كدا حوالي 6 شهور، ومرام حكتلي إنها كانت متجوزة من واحد اسمه حسام ومخلفة منه بنتين زينة وزهرة، وبعد فترة قررنا إننا نتجوز في 2023/12/15، أخدت بيت في التجمع شقة دوبلكس ومن ساعة ما اتجوزنا وإحنا قاعدين في البيت ده وكانت علاقتنا طبيعية بس بعد فترة ابتدينا نشد مع بعض كتير.
س: ما طبيعة الخلافات بينكما؟
اتهجمت عليا علشان مقومتش كلت معاها، وزعقت وبدأت تضربني وأنا نايم على الكنبة بأيديها على كتفي، وفضلت تزعق وتقول طلقني وبطل البرود وشتمتي شتيمة قذرة، ونادت لبناتها وقالتلهم كلموا باباكوا عشان ياخدكم من هنا وقالتلي أعلى ما في خيلك اركبوا، واخبط راسك في الحيط وطلقني.
س: ماذا كان رد فعلك خلال المشاجرة؟
بدأت تستفزني فكان في إيدي زجاجة مياه فقومت راشش المياه على لبسها هي طبعا اتجننت عشان لبسها اتبهدل، وقعدت تشتمني وقولتلها ادخلي جوا الأوضة وهي مكنتش عايزة تدخل؛ فشديتها من إيديها، وهي كانت بتقاوم لحد ما دخلتها الأوضة، وراحت عند لبسي وكانت بتجيبه من الدولاب وترميه وبعدين هي كلمت مامتها وقالتلها قولي لبابا إني عايزة أطلق، وبعدين باباها دخل في الموضوع وقعد يسمع اللي هي بتقوله وقالي اطلع برا بالموبيل عشان يسمعني وتعرف تتكلم فبدأت أشرحله القصة والمشاكل اللي حصلت وفضلت تصرخ وكانت متعصبة، فقفل المكالمة وقالها أنا برا الموضوع ده، وساعتها هي قعدت تعاتبني، وقولتلها إني بشرح لأهلك اللي حصل عشان ميقولوش عليكي مجنونة، والدنيا هديت بعد كدا كان جالهم السواق ومشيوا، فهي دخلت وظبطت لبسها تاني، وطلعتلي بتقولي أنا هنزل، فقولتلها يا مرام مش هتنزلي؟ فقالتلي لا هنزل وقالتلي إنها نامت مع طليقها وعلشان كده مراتك الأولانية خانتك فضربتها بالقلم على وشها.
