تفاصيل مقتل مقاول من ذوي الهمم على يد شقيقين بسبب 2000 جنيه
كشفت التحقيقات في في القضية رقم 26302 لسنة 2024 جنايات السلام والمقيدة برقم 1431 لسنة 2024 كلي شرق القاهرة في اتهام شقيقين بقتل مقاول من ذوي الهمم، بسبب خلاف علي 2000 جنيه بمنطقة السلام، تفاصيل وقوع الجريمة وتفاصيل الاعتداء.
شاهد عيان يكشف تفاصيل مقتل مقاول من ذوي الهمم على يد شقيقين بسبب 2000 جنيه
وقال أحد شهود العيان، أمام جهات التحقيق: اللي حصل أنا كنت واقف في الشارع وكان معايا الضحية -قبل رحيله- ولقيت اللي اسمه محمود.ش، بيقولي أنت عليك فلوس فقولتله شغلانتك غالية وأخوه عبد الرحمن كان لابس تيشيرت أصفر شد معايا في الكلام وقال لا إحنا ناخد فلوسنا وبعد كدة بد يشتموا.
وأضاف شاهد العيان علي واقعة مقتل مقاول من ذوي الهمم علي يد شقيقين بالسلام: كان محمود ابتدأ يمسك فيا أنا وأحمد وراح اللى اسمه عبد الرحمن جري علي وجاب شومة وجه ضربني ضربة على راسي وضرب أحمد برضه وبعد كدة الناس اتلمت وفضت الخناقة، وبعد 5 دقائق لقينا حد من عندهم طلع يشتم وبعد كدة الناس بقت بترجع في الشارع واحمد علشان عاجز وبيمشي بعكاز وبعد شوية أحمد كان سايح في دمه بس أنا ماشفتش مين اللى ضربه بالمطواة وبعد كدة روحنا بيه على المستشفي والحكومة جت وحكتلهم على اللي حصل.
وواصل: المشاجرة الأولى كانت حوالى الساعة 11 مساء في شارع الـ 27 وبعد كدة الخناقة التانيه بعدها بشوية، وكنا بنجيب بضاعة من عند الموان في الشارع.
