ابنة زوج قُتل على يد زوجته ونجليها بالإسكندرية: خفت اتكلم فيقتلوني زي بابا

قالت نيرة، صغيرة الإسكندرية، التي أبلغت أسرة والدها عن مقتله على يد والدتها وأشقائها، إن القصة بدأت قبل وفاة والدتها بعام، إذ كانت تعيش بمنزل خالتها وفي أحد الأيام ذهبت لمنزل والدتها سمعت عن طريق الصدفة والدتها توصي أشقائها شهد وأحمد بعدم إخبار أهل والدهم بجريمة قتله حتى لا ينتقمون منهم، وقررت أن تصمت حتى لا يكون مصيرها مثل والدها.

اخفيت معرفتي بالأمر خشيت قتلي

وأضافت: عقب وفاة والدتي ذهبت للإقامة مع شقيقي الأكبر أحمد، وهو شقيقي من الأم فقط، وفى أحد الأيام خلال جلوسنا في المنزل، كان تحت تأثير المسكرات فقال لي: عارفة مين يانيره اللي قتل باباكي؟ قولتله مين؟ قالي عادل أخوكي، وسكت ومردتش أقولهم اني عارفه عشان ميعملوش فيا حاجة.

وأردفت: رحت عند شهد أختي من أبويا وأمي كانت بتنزلني شغل وتاخد فلوسي وتخلي جوزها يضربني، ولما قولتلها عايزة أروح عند عمتي بالصعيد خلت جوزها يضربني ويكتفني، وبعدين قولتلها خدي فلوسي كلها ولما أروح عند عمتي هبعتلك فلوس رضيت، لما ركبنا العربية وكانت بتوصلني قالتلي اوعى تقولي لأعمامك حاجة هيموتوني ويموتوكي.

أردفت: لما رحت عند عمتي لقيت معاملتهم حلوه حكتلهم، وعمتي قالت لعمي وراح بلغ ورحنا للظابط وحكتلهم، وجبنا شهد وعادل القسم وحققوا معاهم، وطلعوا شهد وبعدين قبضوا عليها تان.

واختتمت: وقت بابا ما ختفى كان عندي 5 سنين، وطول عمره كان حنين وكان بيجبلهم كل حاجة، وكان بيدلعهم وكان بيدلع ماما ويجبلها دهب ويأجر عربيات ويفسحها.