رسالة لجمال مبارك انت الي جبتة لنفسك

تداول رواد مواقع التواصل الاجتماعي معلومات ومنشورات عقب بيان ابن الرئيس الاسبق الذي احدث ضجة علي مواقع التواصل ومنها هذا المنشورالذي قال بالنص

إنت إللى جبته لنفسك، خد بأه شوية المعلومات البسيطة دى ولو زودت هزود .
1- مبدئيا عاوزكم تعرفوا إن من الصعب على أى شخص أنه يقبل فى وظيفة Investment banker فى أحد البنوك العالمية الكبرى، هديكم مثالين علشان تقدروا صعوبة الأمر.
د/يوسف بطرس غالى رفض طلب إنضمامه لوظيفة Investment banker فى بنك كريدى سويس وبعد كده قدم طلب الإنضمام لصندوق النقد الدولى وتم قبوله.
السنة إللى فاتت تقدم 212 ألف واحد لبنك كريدى سويس للحصول على وظيفة Investment banker ولم يقبل البنك سوى 200 فرد فقط، يعنى بنسبة واحد لألف.
2- لما إنت قدمت على طلب الإنضمام لوظيفة Investment banker فى Bank of america بلندن كانت كل مؤهلاتك البكالوريوس إللى من الجامعة الأمريكية بالقاهرة ومافيش خبرات تؤهلك لذلك، فطلبك إترفض، وبعد كده إتقبل بمنطق إنك إبن رئيس جمهورية وفى مقابل ما يمكن أن تسهله من مكاسب للبنك .
3- قواعد العمل بتقول إنك إذا لم تغلق أى إتفاق بنجاح لمدة 9 شهور بيتم طردك من الوظيفة، إنت إستمريت سنتين من غير أى نجاح، من غير ولا عقد ناجح، فمتحاولش تقنعنا إن الفلوس دى عمولات رسمية من شغلك العلنى .
4- مرتبك كان 85 ألف جنيه إسترلينى فى السنة، وكنت ساكن فى أغلى منطقة داخل حى المال والأعمال فى لندن بإيجار سنوى 120 ألف إسترلينى !!! طب إزاى ؟!
5- حسابك فى بنك كريدى سويس إللى تم تجميده فى سويسرا وإللى إنت بتتكلم عليه فى الفيديو بتاعك، فتحتهولك أستاذة/شي..ن يعقوب من مكتب كريدى سويس مصر، وقبل ما تفتحه فى سويسرا كانت بتحاول تفتحه فى أمريكا، وإتقال لها صعب هنا تنفذى ده، إفتحيه فى سويسرا أفضل، الشخص إللى هى كانت بتكلمه فى أمريكا تبعى، لو حد أنكر هخليه يشهد وهنطلع الوثائق .
6- سيبوكم من الكلام الفارغ بتاع صحيفة الجارديان إن ثروة الرئيس/مبارك وأسرته 70 مليار دولار، وفى نفس الوقت الثروة مش فقط 600 مليون دولار، لكنها فى حدود 3 مليار دولار، وأنا أعرف الباقى متخبى فى أنهى حسابات بنكية، تحب نقول ؟
وساعتها مش هتاخد إغلاق للقضية لخطأ الإجراءات زى ما حصل، وإنت بتحاول تقول إنه براءة وده مش حقيقى، إنت ماقدمتش أى إثبات لمصادر الأموال .
7- مكتب المحاماه بتاعك فى لندن إسمه كارتر روك، وده سمعته إن كل القضايا المشبوهة بتروح له، زى راشد الغنوشى، وتاجر النفط المسروق ترافيجورا، وبوريس بيريزوفسكيدى رجل الأعمال الروسى الفاسد بتاع رئيس روسيا السابق يلتسن.
دى حاجة لوحدها بتوضح كتير .
8- لم الدور، لن تحوز الإحترام التاريخى أبدا، أو التاثير مجددا .