«الحقد فضاح» .. تراشق الاتهامات بين كوكا وميدو والخلافات تعبر الحدود
كشفت الخلافات بين المحترف المصري أحمد حسن كوكا، مهاجم قونيا سبور التركي، وأحمد حسام ميدو، نجم منتخب مصر السابق، الحقد الحقيقى الحاكم للخلافات، حيث نشر ميدو تغريدة عبر حسابه على موقع التواصل الاجتماعي "تويتر" ردًا على إشادة أحد متابعيه بإنجاز كوكا: "مهاجم متواضع لا يصلح للمستوى الدولي حتى ولو أحرز 1000 هدف".
وعلق كوكا على تغريدة ميدو قائلا: مهاجم متواضع؟ أولا هو أنت أصلا مين طلب رأيك؟.
ثانيا أنت مبطل كورة وأنت عندك 29 سنة، وكل الناس عارفة ليه.
ثالثا لو رقم الأهداف اللي أنا جايبه شايفه قليل ماجبتوش أنت ليه؟.
مع أن اللي بيلعب في نادي أكبر فرصه بتكون أكتر في التسجيل.
رابعا حاولت تبقي مدرب ومبتكملش شهر في أي نادى.
خامسا بتحاول تبقي إعلامي وتتكلم عن ده وده عشان تبقي تريند بأي شكل، أي حاجة عايز تدخل فيها، ده حتى صلاح في أول مشواره كنت بتتكلم عليه وحش، الحقد ماليك أوي من زمان وأنت بتتكلم وحش عني.
وتابع كوكا قائلا: «أنا عارف أن أكبر غلط إني أرد عليك، وأنت فاضي، وعندك برنامج تتكلم فيه كل يوم، بس أنا برده مش هيهدنى كلامك، وهفضل في طريقي، مركز في مستقبلي ومش عايز حاجة من الناس بعد مبطل كورة وبعد لما أموت غير السيرة الحلوة».
وجاء رد ميدو على كوكا، ليزيد من حدة الخلافات، حيث قال: «عمري ما رحت المنتخب علشان مناسب حد مهم، أنت عارف كويس أنت كنت بتروح المنتخب ليه، رد في الملعب حاول تروح المنتخب، أنت لاعب تعبان وكل مؤهلاتك نسبك، وأنت عارف كويس».
يذكر أن أحمد حسن كوكا غاب عن قائمة منتخب مصر التي أعلنها البرتغالي كارلوس كيروش للمشاركة في بطولة كأس الأمم الإفريقية المقرر إقامتها في الكاميرون خلال الفترة من 9 يناير حتى 6 فبراير المقبل.
