جوزي رافض «نص حقه»
أنا والدي توفى من ١١ سنة وكانت والدتي تعيش بمفردها وأولادي كانت أعمارهم طفل سنتين وطفلة ولدت بعد وفاة والدي بفترة صغيرة وكنت بنزلهم عند والدتي كل يوم الصبح وأذهب إلى عملي لحد لما وصلوا لسن الحضانة وفي أجازتهم كنت بوديهم عند والدتي وطول اليوم أنا وأخواتي كنا مع أمي وآخر اليوم كل واحد يذهب لبيته لحد لما أمي جاتلها حالة نفسية غريبة إنها خايفة من أي حاجة حولها وزهايمر وودناها لدكاترة وما نفعش معاها أي حاجة لكنها ما بترتحش إلا معايا أنا وأختي وباقي أخواتي هي ما بترضاش تقعد مع أي حد منهم وأنا وأختي مقسمين أيام الأسبوع مع بعض.
والمشكلة هنا أن زوجي مش عاجبه الوضع إني أفضل مع امي ثلاثة أيام وباقي الأسبوع ببقى في شقتي وبيهددني إنه هيتجوز في الأيام اللي انا فيها عند امي بالرغم ان البيت قريب من والدتي وما بسبهوش محتاج حاجة ابدا ومش عاجبه وبيفضل يذل فيه وأنا صعبان عليا أمي لأنها مرتبطة بيه جدا ولما بتاخر عليها تعبها بيزيد، وبقوله انها كانت شايله أولادنا وهما صغيرين ودا جزاءها يقوللي ما ليش دعوة فين اخواتك الولاد وامي ما بترتاحش معاهم ولا مع زوجاتهم وهم اساسا ما حدش حاول يقعد معاها واعتمدوا عليا انا واختي.
