خناقة كبيرة بين الشاعر تامر حسين وشاكوش| تفاصيل
بعد الخلافات التى نشبت بين شاكوش والفنان هاني شاكر نقيب المهن الموسيقية، تفاعل العديد من الفنانين والفنانات والكثير من الوسط الفني مع الأزمة وهناك من أيد وهناك من أنتقد وعارض، مثل الشاعر تامر حسين، الذي أنتقد عبر حسابه الشخصي على موقع التواصل الاجتماعي “فيسبوك”، التصريحات التى أدلى بها حسن شاكوش، ليلة أمس، الاثنين، عقب ظهوره فى أحد البرامج التليفزيونية.
وعلق تامر حسين قائلاً: "الحقيقة مُستفز جداً كلام مطرب المهرجانات حسن شاكوش، وتصريحاته فى برنامج عمرو أديب غير موفقة تماماً من الناحية الأدبية وذوقيات المهنة والجهل بالمعلومة والتدليس اللى بيعمله للمُشاهِد اللى مايعرفش حقيقة لحن بنت الجيران اللى مِن ألحان ملحن شاب مصرى (مدين)" .
وأضاف: "الراجل تم التعاقد معاه رسمياً من شركة تركية بُمُقابل مالي نظير استخدام لحن حاجه مِستخبية اللى خلالك شأن وشهرك وكان سبب رزق ليك " .
تامر حسين يتهم حسن شاكوك بتضليل الجمهور:
أضاف تامر أيضًا : "عيب تِنكر الحقيقة وتضلل الجمهور اللى يجهل بالمعلومة، الراجل ماسرقش لحن حاجة مستخبية، ده من إبداعه، وده تعدي على حقه الأدبى وممكن يقاضيك وياخُد تعويض على إساءتك وجهلك بالمعلومة".
واستكمل حسين حديثه قائلا: ثانياً.. شتان الفرق الشاسع بينك وبين نجم كبير زى محمد حماقى فنياً وأدبياً وثقافياً وذوقياً من حيث المحتوى والمضمون، وسيبك من الزمن اللى إحنا فيه وتدني الذوق العام وإعلانات اليوتيوب الممولة اللى خليتك تطلع تقول أغنية محمد حماقى جايبة ١٦ مليون مُشاهدة بطريقة سخيفة مِنك.. وكأنك مايكل جاكسون".
واستطرد: "هتعدى السنين وهتشوف اللى حايعيش حاجة مِستخبية ولا أغنيتك اللى لولا نجاح أغنية محمد حماقى وتوصيلها لأكبر قدر من الجمهور ما كانتشي اغنيتك اتشهرت على الجاهز، الراجلِ ساهم فى نجاحها فذوقياً تشكره وتتكلم بأسلوب أرقى مِن كده على ناس كانوا سبب فى نجاح ورزق ليك وما حدش جّرح فيك كُلهم دعموكم عشان تاكلوا عيش وتنجحوا وأهاليكم وحبايبكم يفرحوا بيكم، والراجل أقدم مِنك وأشهر مِنك يبقى تقدره وتتكلم بشكل مُنصف".
وقال تامر حسين: "ثالثاً: صُناع الأغنية المُبدعين المُبتكرين الشاعر المبدع محمد عاطف والملحن المُبدع صاحب اللحن الأصلي اللى اتاخد فى تركيا للنشر بُمقابل مالي والموزع الكبير أحمد إبراهيم دول ناس يستحقوا الشُكر فى العلن مش تشويه وتقليل".
وفي نهاية منشورة علي فيس بوك أختتم تامر حسين قائلاً: "من قدر أغنيتهم اللى نجحت جداً ف سنة نزولها وكانت أنجح أغانى السنة، وأتمنى من الإعلام والسادة المسئولين عن اختيار الضيف يصدروا للمُجتمع حاجات وطاقات حلوة مُبهجة مُستنيرة وعندها قدر من الوعى والاحترام والتقدير والذوقيات، بلاش إحباط الله يخليكم مش حايبقى كرة وفن، حافظوا على ما تبقىّ".
