هيدي كرم: معنديش مشكلة اتجوز شخص من ديانة أخري

أجابت الفنانة هيدي كرم، على أسئلة متابعيها عبر خاصية "ستوري" بموقع "إنستجرام".

ومن بين الأسئلة التي وُجهت لهيدي كرم: "هل تقبلي تتجوزي حد من غير ديانتك؟"؛قالت: "ده سؤال صعب، أنا بشوف ناس كتير اتجوزوا من ديانات مختلفة وجوازاتهم نجحت وكانت جميلة ومكنش فيها مشاكل".

أضافت: "أنا بطبعي ست متفتحة، ومنفتحة على الآخر، ومنفتحة على الثقافات المختلفة والديانات المختلفة، دي طبيعتي وشخصيتي اللي بفخر بيها وسعيدة بيها، فأعتقد لو لقيت إنسان مناسب بجد إني هوافق".

وتابعت: «الجواز نصيب وأما ييجي الشخص المناسب والوقت المناسب، ومش هتجوز واحد أصغر مني بكتير، لأني ديما عندي تخوف من الموضوع ده، بخاف إتي شكلي يبقى كبير عنه وشي يكرمش قبله، عينه تزوغ على واحدة تانية، فالفكرة دي مرفوضة بالنسبالي».

كانت آخر أعمال هيدي كرم مسلسل "الاختيار 3 - القرار" في رمضان الماضي، مع النجوم: ياسر جلال، أحمد السقا، كريم عبد العزيز، أحمد عز، خالد الصاوي، وصبري فواز وغيرهم، من إخراج بيتر ميمي.