أبو الليف: مافيش شغل ومعاشي 900 هيأكلولي عيالي إزاي؟
هاجم المطرب نادرأبو الليف، نقابة المهن الموسيقية، بسبب إجرائه جراحة مؤخرًا، ودخوله العناية المركزة، بعدما تعرض لوعكة صحية.
وقال أبو الليف بعد إجرائه الجراحة على نفقته الخاصة، في تصريحات تلفزيونية: حلو تاخد مني ضريبة على أي فرح أو أي حفلة، ولما أتعب ملاقيكش في ضهري، اشمعنا متقفوش جمبي وأنا مافيش شغل، وحلمي عبد الباقي مش في إيديه الإمكانيات أنه يعمل لي حاجة، أنا معاشي 900 هيأكلولي عيالي إزاي؟ من مدارس وأكل وشرب، بقالي شهر مقدم الطلب لـسكرتير النقابة ووكيلها ومحدش بيرد عليا ولا يعبرني.
وكشف أبو الليف، أنه دفع ما يقرب من الـ90 ألف جنيه ، بسبب العملية الجراحية، قائلًا: مستلفهم عشان أدفعهم للمستشفى، النقابة كانوا عايزين يدوني 15 ألف جنيه عشان أدفع تكاليف المستشفى اللي مستلفهم من صحابي، هما دول اللي انتخبناهم في المجلس، حرام عليكم، لو اتعرض عليا انهارده أي حاجة هوافق عشان أكل الأربعة اللي في رقبتي مراتي وعيالي التلاتة.
وكشف نادر أبو الليف مسبقاًعبر حسابه على فيسبوك، نجاته وأسرته من حريق سيارته، وقال: ألف حمد وشكر ليك يا رب والله ربنا نجاني أنا ومراتي وولادي الثلاثة لأن عربيتي ولعت وربنا نجانا، ودا بسبب العين والحسد والقر.. يا ناس يا شر كفاية قر والعين صابتني ورب العرش نجاني والحمد لله.
