من ندي الكامل للشيخ مظهر شاهين «مش من حقك تيص علي جسمي»
تصاعد الصد والرد بين ندى الكامل، وهي طليقة الفنان أحمد الفيشاوي والشيخ مظهر شاهين لتعبر ندي عن غضبها ورفضها اعتذار الداعية مظهر شاهين، إمام مسجد عمر مكرم، وذلك بعد سلسلة من الخلافات و التصريحات المتبادلة بينهم.
وقالت ندى الكامل خلال مداخلة هاتفية لها مع برنامج "الحكاية": "القصة بإيجاز إني شوفت بوست على الـ(إنستجرام)، شفت فيه كلام عن الأديان والأديان السماوية ورديت عليه، وأنا مكنتش أعرف إنه الموضوع بيتكلم عن المساكنة، وأنا أصلًا غير مؤمنة بالمساكنة ومبشجعش عليها وبشجع مشروع الجواز جدًا".
و أضافت الكامل" أنا رديت على حكاية الأديان وخلاص، صحيت تاني يوم، لقيت في رد وتجاوز على شخصي أنا، جيت دخلتني بدائرة كبيرة جدًا، أنا مليش علاقة فيها، و لقيت الأستاذ بيقول إني نافخة وعاملة بوتكس وفيلر، هو حضرتك مركز فيا ولا في كلامي!، فطبعًا أنا خرجت من طوري، إنت مالكش حق تبص على جسمي، أو ترد علي رد غير لائق، دي مش شغلتك دي شغلة دكاترة التجميل، مش شغل داعية".
و اختتمت الكامل حديثها حيث قالت: "اعتذاره غير مقبول بالمرة، لأني وصلتني رسائل عبر واتساب وإنستجرام تقول عني ملحدة وكافرة بسببه".
