قصة تصوير السيدات في بروفة الملابس.. نصيحة من فني كاميرات
نشر فني تركيب كاميرات نصيحة للفتيات علي موقع فيس بوك قال فيها
يا جماعه انا عايز اقول نصيحه لله بصفتى فنى تركيب كاميرات مراقبه
بلاش اى بنت او ست وهيا بتشترى ملابس تغير ملابسها داخل محلات الملابس علشان والله انا حد طلب من كاميرات صغيرة علشان يركبها فى المحل ولما سالته انت هتركب فين بالظبط قالى انا هركبها فى المكتب اللى فيه درج الملابس قولتله متركب كاميره عاديه فوق المكتب قالى لا انا مش عايزها تبان قولتله انا ممكن اخفيهالك قالى لا انا عايزه صغيره قولتله خلاص انا هجيبهالك واركبهالك قالى لا انا عايزك تجيبها وتقولى ازاى بتتركب وهو اللى هيركبها فى اللحظه دى انا بدأت افهم قصده ايه ولما سالته انت محل ايه مكنش عايز يقول حسيت أنه بيتلقق وقالى ده محل ملابس وسكت قولته انا اسف مش موجوده حاليا وللعلم والله انا ما اعرف الشخص ده ولا المكان هو اتصل بيا والموضوع ده اتكرر قبل كده معايا نصيحه لله بلاش اى حد يغير ملابسه خارج البيت لان الكاميرا المطلوبه صغيرة جدا والكلام ده مخصص للحريم
ولو الست اضطرت غصب عنها انها تجرب الملابس دى فى طريقه لكشف الكاميره دى أنها تطفى نور المكان خالص وتشغل كاميرا التليفون وتلف بيها داخل المكان لو فى كاميره هيظهر شعاع لونه بنفسجي
