قصة الجني البصباص الذي فضح الجميلة وزوجها أمام الناس

يا ناس يا هوووو
حد يشوفلي حل .. كفاية فضايح
الناس أكلت وشي مش قادر أوري وشي للناس
الحكاية وما فيها أني قررت الزواج
ومثل أي شاب دورت على أجمل الجميلات
فرجينيا على رأي عمنا أحمد مظهر في فلم صلاح الدين
ربنا تتم بخير ونلت المراد من رب العباد
وعدي شهر العسل ودخلنا على العذاب
بصراحة هي أية في الجمال
نموذج في طاعة الزوج
مش مخلياني محتاج حاجة
لا في أمور الحياة اليومية
ولا حتى الحياة الخاصة
فجأة وبدون مقدمات .. كل شيء جميل مات
بقيت عايش مع شبح
دائما مسهمة وساكتة
شعرها منكوش تكشير وعبوس
راحت الضحكة والابتسامة
واللي زاد وغطى

الخروج بقميص نوم في البلكونة
الفضايح كل يوم والتاني بين الجيران
لقيت الناس بتخبط عليا في البيت لم مراتك
يعني أيه الكلام ده
يا سيدي كل يوم والتاني
تخرج البلكونة بقميص النوم
وهات يا صريخ وأغاني بصوت عالي
مينفعش كده .. في جيران والشباب بقيت تتجمع
تحت البيت ويقولوا الموزة هتطلع عريانة
عقلي طار مني لما سمعت هذا الكلام
جريت على أهلها وأخذناها للطبيب
مهدءات وأدوية وغيره
يسألون هل زعلتها في حاجة
والله أبد كل شيء كان ماشي ذي الفل
رجعت يوم من الشغل لقيت لمة كبيرة تحت البيت
قلت يادي الفضايح .. الجديد بقى
أن هذه المرة خرجت البلكونة بلبوص
كما ولدتها أمها .. مش عارف أعمل إيه
هل أترك السكن وأشوف مكان تاني
لكن المسألة هتتكرر هناك
طيب أطلقها وأخلص

جرس وفضايح وشباب يتجمع اسفل البيت للفرجة
وهي ذنبها إيه .. هي مريضة
غلب حماري .. مش عارف أفكر
وتعبت من الجرس والفضايح
دلني البعض على العرافين وبتوع الأعمال
مسبتش حد رحت هنا وهناك ولا فائدة
واحد ابن حلال قبلني وقال : يأبني
أنا هدلك على شيخ سره باتع
عليه تعويذة متخرش المياه
ناس كتير جربت العلاج على ايده
وكان فعلا فيه الشفاء
قلت له : يا عم الحاج رحت لناس كثير
وصرفت شيء وشويات من غير فائدة
قال : يا أبني الراجل مش هيكلفك حاجة
بيعالج لوجه الله ولو ربنا كرم ابقى
هات له هدية حلوة تكون مناسبة
مكدبتش خبر وجريت على الشيخ
جلسة والثانية والحال أتعدل
الحاجة دي تكررت معها
قلت له : أول مرة تحصل
قام كتب بعض الأدعية والأذكار
وقال : لازم تحافظ على هذه الأدعية

نصائح الشيخ المعالج والكارثة

وسأل أخبار الصلاة إيه ونصح بالمحافظة عليها
حافظنا شوية وبعد لما الأمر استتب
والحال أنصلح والجيران عرفوا أنها كانت مريضة
اعتذرنا لهم وهم اعتذروا عن سوء الظن
تركنا نصحية الشيخ وكانت الكارثة
شفت البهلوان بتاع السيرك
بقيت تمشي على سور البلكونة بلبوص
قلت ملهاش قعود هنا راحت عند أهلها
وتكررت الفضيحة والجرسة هناك
عملوا عليها نوبتشية حراسة
خشية الفضايح وخافوا لترمي نفسها من فوق
جبنا الشيخ وعقد عدة جلسات لحد ما سمعنا
صوت أجش غليظ متقطع
اللي عملته فيا هطلعوا على جسدها
ماذا فعلت .. سأله الشيخ ؟
عذبتني بجمالها .. ومش قادر أطولها
كيف عذبتك ؟
أغاني ورقص بجسمها الملبن
الشيخ ضحك وإحنا مش عارفين
نضحك ولا نبكي
( هم يبكي .. وهم يضحك ) ..
ويستمر الصوت الأجش المتقطع
تدخل الحمام تتحسس جسدها
وخاصة الصدر .. مش عارف أمسك نفسي
حاولت الوصول اليها ..
لكن كلام كانت بتقوله يمنعني عنها
ما هذا الكلام ؟
كلام زي ما يكون قرآن في الحي السماوات
فيه نوم وكرسي حاجة زي كده
كلام أنا ما اقدرش أقوله
تقصد آية الكرسي في سورة البقرة
صصصح .. صصح ههو .. هو الكلام ده
كنت أنتهز فرصة أنها تنسى تقول الكلام ده
وأنتقم منها وألعب بها وأفرج كل الناس
على جمال جسمها ..

اجبار الحن علي الرحيل من جسدها
أعذرني أزاي أشوف الصدر والجسم ده وأسيبه
الشيخ : أنا مش هطول معاك في الكلام
انت ترحل وتسيبها في حالها
الجني : لكني حبتها
الشيخ : اللي يحب حد يفرج عليه الناس ويفضحه كده
الجني : علشان الناس لما تشوف الملبن تعذرني
ويضحك الشيخ مرة تانية ولكن يشد معاه في الكلام
ترحل ولا آية الكرسي ..
ويقرأ الشيخ .. ويشتد صراخها حتى وقعت مغشي عليها
يتركها الشيخ بعدما أفاقت على موعد بلقاء أخر
قائلا : هرب الملعون ولكن لابد من تحصينها
وتحصين المكان حتى لا يعود
ويعاود الشيخ مرة أخرى ويستمر في القراءة
فيحضر الجني ويدور بينهما حوار طويل
خلاصته أن قرأ عليه الشيخ تعويذة
ووعده الجني بعدم العودة
ونصحنا الشيخ بالحفاظ على الصلاة والأذكار
فلما طلبت منه كتابة التعويذة حتى نحتمي بها
قال : ليس هناك تعويذة وإنما هي آيات من القرآن
وأدعية من صحيح السنة النبوية
ونصحها بالحجاب
وكثرة الصلاة على النبي صلى الله عليه وسلم وألا تغفل عن القرآن وسورة البقرة وآية الكرسي صباحا ومساءا
وفي النهاية أقترح الشيخ
أن نحاول الانتقال للسكن بمكان آخر
لا يعفر أحد به ما حدث لزوجتي
عادت الحياة لطبيعتها وتواعدنا
الا نغفل نصحية الشيخ
أن نحافظ على التعويذة
( أقصد الأدعية والأذكار ) ...