مأساة زوجة مع زوج بعيون زايغة - كل مرة اسامحة ويعملها تاني

تروي سيدة ماساتها مع زوجها فتقول طارحة مشكلتها -أنا اتجوزت وخلفت وانا صغيره اووي كان اختيار خطأ وكملت عشان ده كان اختياري وانا اللي اتحمله وبعد ١٦ سنه مشاكل وننفصل ونرجع وننفصل ونرجع اتطلقت والحمد لله مش ندمانه انا بجد ارتاحت لو كنت كملت اكتر من كده كان هيجيلي مرض من الزعل والقرف اللي كنت فيه

المهم بعد ما اتطلقت ب ٣ سنين ربنا كتبلي نصيب اني اتجوز تاني انا كده بقالي سنه ونص معاه هو حد كويس وانا بحبه وهو بيحبني بجنوووون وبرغم من كل الحب ده في داء الخيانه كل فتره لازم اقفشه بيكلم واحده ويرجع يتأسف ويقوللي انا مش عارف ازاي عملت كده

انا شيطاني خدني وبسامحه واعدي واخر مره قاللي اقسم بالله لو اتكررت تاني اعملي اللي انتي عايزاه وللأسف قفشته تاني انا دلوقتي مصممه عالطلاق انا بكره الخيانه اووي وفي نفس الوقت خايفه الناس تقول دي اتطلقت تاني

وكل واحد بكلمته انا مش عارفه اعمل ايه هو دلوقتي بيتأسف وبردو بيقوللي اخر مره بجد قولولي اعمل ايه ...