أعترافات زوجة مطلقة عادت لزوجها في رمضان - انا كنت مهملة
ابغض الحلال هو الطلاق وتلك مشكلة تكتبها سيدة حصلت علي الطلاق من زوجها ثم عادت الية وهي في النهاية تجربة تكشف مصاعب الطلاق خاصة عندما يكون هناك اطفال يدفعون ثمن هذا الطلاق وتتقول الزوجة
انا وزوجي كان في بيننا مشاكل لان كان في اهمال مني لاني كنت شايفه شغل البيت يتقسم بينا وفضلنا كده فتره طويله لحد ما وصلنا لحيطه سد وهو طلقني وانفصلنا ...
انفصال وعودة
وهو والدي كان بيحبه وهو كمان كان بيعز والدي خالص واتفق مع والدي على نفقة اولادي وكان مبلغ مش كبير بس بعدها بفتره والدي كلمه يرجعني ورفض خالص وناس اتوسطت وهو رفض وكان بيقولهم لو رجعت بنفس الدماغ دي هتطلق تاني وكان رافض وفضلنا سبع شهور بعد اخر مره وسطت حد فيها اني ارجع ...
المهم كان الاتفاق اني هقعد مع والدي بس والدي ساكن في قريه ففضلت اني اخد شقه ايجار في المدينه قلي كنت ساكنه فيها بدل ما انقل مدارس الاولاد وتبقى قريبه من شغلي فتعثرت في دفع الايجار بسبب ظروف انا المرتبات اتأخرت شهر ويعد كده الشغل صفى وكنت بخلي النفقه لاولاده بس وبقى عليا ٣ شهور ومكنتش بطلب من والدي لانه كان معاش ومعاشه قليل ...
عزومة علي الفطار في رمضان
فقبل رمضان من ٣اسابيع
وشويه لقيته طلب يشوف ولاده الاتنين وجابلهم فوانيس وسلم عليهم وقعد يهزر ويلعب معاهم وانا كنت قاعده لاني انا قلي روحت وودتهم ليه النادي فقولتله كل سنه وانت طيب وكده وهو رد عادي على قد الكلام وسألني عامله أيه وكده وقالي لسه زي ما انتي وعاتبني بهزار وقالي مش عايزه تفطري معايا انتي كمان لان الاولاد كانوا قايلين ليه عايزين نفطر معاك في رمضان فستغليت الكلمه وقولته ده يبقى يوم الهنا ...
عودة خلال شهر رمضان
ورجعنا لبعض قبل رمضان ب٣ ايام بس كنت مستغربه هو غير رئيه أزاي لانه كان رافض خالص فبعد ما رجعنا اكتشفت انه دفع ال٣ شهور الايجار وانا مكنتش عرفته ولما سالته قالي ان صاحب السكن بلغه ودفعهم (انا اصلا كنت هدفعهم وكنت هسيب السكن وارجع لبيت والدي .....
فانا خايفه يكون رجعني عطفا مش حبا وحاسه أن عيني مكسوره والاحساس ده مأثر عليا و مخليني مش عارفه اتصرف عادي معاه في البيت .....
فياريت نصيحه اعمل ايه واتعامل ازاي عشان الاحساس ده يروح بس ؟
