مراتي مش طايقة اهلي بعد 10 شهور جواز
البعض لايدرك اهمية الاسرة خاصة بعض الزوجات وتعتبر ان تمسك الزوج باهلة عيب ومنافسة تخوضها ولا تعرف انها بذلك الفعل تهدد مستقبل اسرتها الأصغر فهي كمن يزرع شوك وينتظر ان تحصد زهور وتلك تجربة لشاب تزوج من فترة بسيطة يكشف فيها معاناتة مع زوجتة فيقول
زوجتي ترفض زيارة اهلي
باختصار يا جماعة انا متجوز بقالي 10 شهور ونص والحمد لله ربنا كرمني ببنت الحمد لله دلوقتي انا متجوز بعيد عن أهلي هما في بلد بعيدة عني
فلما بيجوا يزوروني بيقعدوا عندي اكتر من اسبوع اوحاجة وانا ببقي عايزهم يقعدوا معايا اكتر اخواتي الصبيان شباب ووالدتي ووالدي دلوقتي مراتي اشتكت انها مش بتاخد راحتها ف البيت وأنها بتكون متكتفة وكده
كرم استقبال اهل الزوج والمحبة افضل
ويضيف الزوج ان زوجتي عبرت عن ضجرها لي اكتر من مرة لدرجة أنها بلغت أهلها بده واهلي عرفوا مع اني قولتلها اي حد يبقي عندي لازم نشيله فوق دماغنا اي كان دا مين والمدة ال هيقعدها دول أهلي وانا مقدرش استغني عنهم ابدا
هروب من اهل الزوج بحجة التعب
وقولتلها كذا مرة متتكلمش ف الموضوع ده عشان عيب وهي قالتلي خلاص لما يجوا واحس اني تعبانة ومش واخدة راحتي اروح عند اهلي لحد مارتاح واجي يومين تلاتة اسبوع ع حسب مارتاح طبعا انا رفضت وقولتلها لما يكون اهلي عندي المفروض متقوليش كده وأقل حاجة تقوليهالي أن اشيلهم فوق دماغي طبعا المشكلة اتطورت والموضوع أن حاسس أنه في حاجة غلط ومش عارف ايه الصح بس ال انا شايفه أن اهلي اولا ومراتي المفروض لما تشيلهم في الزيارة لازم تبقي حابه دا وخايف اكون ظالم مراتي
واهلي هيجوا بعد العيد يقضوا معانا كام يوم وخايف مراتي تعمل حاجه من اللي قالتها ومش عاوز اخرب البيت تنصحوني اتصرف ازاي معاها ....
