الزوج المستغل بيعاير عروستة بجهازها

انا سيدة متجوزه بقالى 5 شهور من اول اسبوع مشاكل بسبب انى مجبتش ورد وبراويز في الشقه وفضل من وانا عروسه ع طول زعلان بسبب كده وكل شويه يقولى جهازك عينات ..انا اه يتيمه بس انا شايفه ان ماما جهزتلى احسن جهاز ربتنى احسن تربيه وجبتلى كل حاجه في جهازى ووقفت لوحدها وساعه الاتفاق شالت حاجات كتير ومش قالت لا عشان تفرحنى وجبتلى كل اللى انا عايزاه جوزى كان بيحاول يكسرنى ويكسر نفسي ويقول دى مش جيبالك حاجه وساعات كتير لما أقوله عيب دى ست واقفه لوحدها وجوزت بنتها يقول وانا مالى .المهم حصلت قاعده واتصالحنا وخلاص يعدى كام أسبوع ويرجع تانى يفتح موضوع الورد والبراويز هو عنده بنت خالته مطلقه وعندها بنت عايشه مع أهل جوزى طول ما احنا بنروح نقعد شويه تفضل تشكر في نفسها وفي جهازها وأنها كانت جايبه كل حاجه في شقتها و تفضل هى ومامتها يلقحوا ع حاجاتى مش رديت عشان معملش مشاكل بنت خالته دى بقي تصرفاته معاها غريبه جدا يعنى لازم يسلم عليها ويبوسها قدامى وهى تفضل حاطه مكياج وبشعرها وتهزر معاه بالايد وهى بتبقي عارفه أننا جاين انا قولت اتكلم معاه في بيتنا احسن أن كده مينفعش وحرام اصلا ولازم يحترمنى لاقيته اتعصب جامد وقالى دى بنت خالتى وخط أحمر خالص. انا هدديته لو حصل كده تانى هقول لاهلى وهما ال يتصرفو معاك قالى اخبطى دماغك فى الحيطة انتى واهلك ..
اعمل اية معاه واتصرف ازاى