خلافات بين زوجين بسبب الحقن المجهري

انا متجوزة من سنه ونص جواز صالونات وفي تنازلات كتير زي القايمه والمؤخر مبلغ صغير مقابل بس اني عايزة ابقي ام ونفسي اخلف لان عندي ٣٥سنه بعد الجواز

وتضيف الزوجة استقريت نفسيا واتعلقت بزوجي وبيتي وكنت بعمل كل مافي وسعي عشان تبقي حياتي هاديه وهو برضه انسان حنين جدا عليا في بعض العيوب بس عادي بتعدي لكن والدته واخته تعاملهم معايا مش احسن حاجه

الحمل والحقن المجهري

لكن برضه بكبر دماغي انا ماديا افضل منه وعندي ذمه ماليه خاصه بس معرفش هل هو معاه فلوس او لاء الله اعلم المشكله حاليا أننا بعد فحوصات وتحاليل الحمل الطبيعي مستحيل ولازم حقن مجهري عن طريق أخذ عينه منه وده مكلف ماديا جدا هو شايف أننا نسيب الموضوع يحصل طبيعي ومش همه يحصل او لاء وأمه قالتها صراحه المليان يكب علي الفاضي .

فايمة ومؤخر بسيط

ودلوقتي راي الطبي أنه الازم عينه من الخصيه ونعمل حقن مجهري وهو ده الحل الوحيد هو رافض الموضوع ده خالص ورافض اصلا يروح لدكتور تاني وبيقولي لو مش عايزة تكملي براحتك وطبعا هو كاتب مؤخر بسيط وامشي كاتب قايمه ووقتها قولت مش مهم أنا عايزة استقر وابقي ام . .

دلوقتي محدش من اهلي يعرف اي حاجه عن الكلام ده وانا جوايا الألم كبير مش عارفه اصبر ولا انفصل ....