العوضى .. يفك لعز المسابقات الرمضانية قائلا ” اللى كسب ربنا اللى اختاره وانا سبب”
فى حوار من القلب عبر قناة الحياة الفضائية وفى احدى برامج التوك شو تم استضافة الفنان احمد العوضى نجم مسلسل حق عرب المذاع خلال شهر رمضان الجارى ، حول ما هية وسر المسابقة الرمضانيه التى عهد على طرحها كل يوم بعد الحلقة المذاعة على متابعيه واختيار، ٥ فائزين كل ليله مكسب كل فائز ١٠ آلاف جنيه خلال الشهر الفضيل ، الا ان معارضيه كان لهم رأى اخر فى التشكيك فى هذه المسابقة وأنها متفبركه وأن الفائزين ممن يعملون معه بالتمثيل ..
فكان هذا الحوار الشيق الذى سردناه لقراء " بوابة الحوادث اليوم" والذى دار بين العوضى ومذيعة البرنامج
** بتعمل مسابقات على السوشيال ميديا؟
حصل اليومين إللي فاتو إنه حد طلع بنت طلعت وقالت إنه المسابقات دي نتيجتها متفبركة لأن أنا كسبت ونزلو البوست، وبعدين شالو البوست و ورجعو كسب واحد تاني والحد ده طلع بيشتغل مع أحمد العوضي في المسلسل.
المسابقة دي أنا بطلب منك اشتراك مثلا بدفع فلوس، فأنا بضحك عليك؟
يعني تدفع فلوس مثلا، فأنا بضحك عليك، أنا بقول لك تعالي مثلا ادفع فلوس وأنا هكسبك؟
أنا بقولك أنا بيخشلي في اليوم 500,000 متسابق، ده عهد بيني وبين ربنا، عهد بيني وبين ربنا ،أنا مش ملزم بيه، لكن أنا عاهدت ربنا حاجة بيني وبين ربنا إن أنا عمري عمري ما هكسب حد عارفة؟
أنا بقابل ناس كتير في الشارع صاحب الكشك ده بجيب منه حاجتي. صاحب السوبر ماركت ما بيقوليش كسبني.
تمام، طب أنا ممكن اكسبو بس اكسبو، إزاي؟ معرفش أكسبه؟ لو عايز أكسب مش عارف اكسبه لأن النهارده أقول لك في 500,000 متسابق بيخش يعملو ده، أولا أنا ،إللي بعمل السؤال بحطه بإيدي، أنا إللي بختار بإيدي، أنا ببعت المسج بإيدي، وانا إللي بكلم الناس بنفسي، وأنا إللي ببعتلهم على واتساب، المكان والميعاد بنفسي، كل حاجة بنفسي مفيش أدمن.
مفيش أي حد، لأن أنا قلت لك دي حاجة بيني وبين ربنا، أنا بعمل سكول كده على الإجابات وبختار ..
بتأكد إن البروفايل حقيقي مش مضروب، تمام؟ وبعمل كوبي لينك تمام، وبعد كده بعد في مسج وببعتله الرجاء إرسال رقم التليفون لما يبعتلي رقم التليفون بكلمه بنفسي، أخويا إزيك عامل إيه؟ مبروك إنت كسبت ابعتلي، بس بعد إذنك على واتساب عشان ابعتلك المكان والميعاد ..
ده إللي بيحصل النهاردة أنا مكسب كام واحد ؟مش أنا مكسبه، ربنا جعلني سبب إن أنا أكسب كام واحد كسبت مثلا على مدار شهر رمضان.
250 واحد او 150 يعني في حدود 200 بإجمالي مسابقات إللي عملتها
مفيش واحد فى الدنيا هيكسب العدد ده كله ويكون عارفهم .
بس ممكن حد مثلا تلاقي نفسك إن إنت عارف ظروفه، مفيش حاجه اسمها إنه فى حد موش محتاج المكسب ، كله محتاج يكسب.
إنما لو حد اعرفه وعاوز اساعده هساعده فى الخفى ..
هما طلعوا صورة حد معاك؟
اه ...يوم ما كسبت عشره كان منهم ناس من الاقاليم وجم متأخرين فى مدينة الإنتاج الاعلامى فقلتهلم تفطروا معايا ..يبقوا خلاص شغالين معايا؟؟
النهارده ناس كتير بتتصيدلك الأخطاء وبتكرى عليك ناس ، علشان يسقطوك وتقطع رزق ناس بتكسب ومهما عملوا هكمل فى المسابقات لانى شفت نتيجتها ، وعلشان اللى كسب ده ربنا اللى اختاره وأنا كنت سبب فى ده ..
اللى جاى لابس لبس كويس علشان يقابلنى ، ممكن ميعرفش يلبسه وسط صحابه ومفيش حاجه اسمها فلان ميستاهلش يكسب لا الكل محتاج يكسب وده رزقه ....
