قبل محاكمته.. اعترافات مثيرة لـ المتهم بقـتل طفل شبرا الخيمة

تطورات جديدة في قضية طفل شبرا الخيمة حيث تنظر اليوم محكمة جنايات شبرا الخيمة أولى جلسات محاكمة المتهمين في قضية طفل شبرا الخيمة ويستعرض موقع صدى البلد اعترافات المتهم بقتل طفل شبرا الخيمة.

اعترافات المتهم بقتـل طفل شبرا الخيمة

واتهمت النيابة في قضية طفل شبرا الخيمة، المتهمين بالقتل المقترن بالخطف والاشتراك فيه، وإحراز أسلحة بيضاء وذلك في القضية رقم ۹۸۰۰ لسنة ۲۰۲٤ جنايات قسم أول شبرا الخيمة السابق قيدها برقم ۱۸۲۰ لسنة ٢٠٢٤ إداري قسم أول شبرا الخيمة.

وقال المتهم طارق أنور، كنت أعرف المرحوم أحمد سعد من شغلي في قهوة العديني وترددي عليها مزبون بعد ما سبت الشغل فيها، وكنت بديله شيكولاته وبعطف عليه، ومكنتش أعرف غيره وبعت صورته لـ علي وقالي تمام وقالي هناخده وتاخده عندك الشقة تؤخذ العينات، وأنه بيكلمني فيديو يشرح لي أعمل إيه علشان اخد العينات دي، لإني مكنتش فاهم حاجة غير انه عايز شوية دم وخلاص، وقبل يوم التنفيذ بعتلي قائمة بالحاجات اللي محتاجينها وكلمت عامل توصيل في صيدلية جنب القهوة وبعتله القائمة قولتله أنا محتاجها عشان أخويا عيان.

وتابع المتهم في قضية طفل شبرا الخيمة، الأدوية كان فيها منوم وامبولات وكانيولا وأنابيب وريدية وشاش وحاجات كتير تانية مش فاكرها، ورحت اخدتهم من قدام الصيدلية ودفعت 420 جنيه تقريبا، ويوم 15 أبريل 2024 أخذت أقراص مهدئة كتير علشان متوترش ومتترددش، وروحت قعدت على القهوة وأنا عارف أن أحمد بينزل من بيته دائما متأخر على 10 بالليل يروح السايبر يلعب، وبيجي القهوة يهزر مع الناس، وقعدت وهو جالي قلت له أنا جايبلك هدية في البيت، هنروح مع بعض اديهالك ونرجع تاني، وقولت له أمشي في الحارة اللي في وش القهوة وامشي لحد شارع رشدي وقابلته هناك ومشينا مع بعض وجبنا علبتين عصير وطحنت قرصين منوم في البيت وفضيت العصير في كوباية وقلبته وأحمد شربه.

واستكمل المتهم بقضية طفل شبرا الخيمة، علي كان كل شوية يتصل على الماسنجر يقولي هيدوخ دلوقتي ولما يدوخ صور هولي ابعتلي الصورة، وفعلا ابتدا يدوخ ومسكت راسه شربته منوم تاني بالعافية راح في النوم، وعلى كلمني فيديو وقفل الصورة بتاعته هو وكان شايف اللي أنا بعمله وقالي هات حبل اخنقه بيه عشان تسحب العينات فجبت حزام وجيت اخنقه لقيته قام ورجع تاني على ظهره خنقته وبعدها متحركش خالص، وقالي علي قلعه كل هدومه، وهات سرنجة وافتح أمبول وأسحبها فيه، جبت السرنجة وشديت السائل وسحبت الأمبول كله وركنتها وجبت مشرط جراحي وهو نايم على ظهره وعلي قالي دخل المشرط من تحت الرقبة بشوية ودوس عليه ونزلت بالمشرط لحد السرة.

واضاف المتهم بواقعة طفل شبرا الخيمة، فتحت الجلد وقالي كل حاجة هطلعها ليها سعرها، وقالي هات سكينة حادة جبت 3 سكاكين اتنين صغيرين وواحدة كبيرة، وقالي افتح الجرح تاني من اوله بالسكينة، وسألني عندك شاكوش عشان نكسر العظم، قولت له لا، قالي طب اضغط جامد بالسكينة عشان العظم يفتح، وبعدها قالي شد الأعضاء بره وكان في حاجات ماسكة قطعتها، وجبت كيس كبير حطيت فيه الأمعاء وقالي دول بـ 2.5 مليون جنيه وبعدها قالي طلع الرئة دي بـ 3 مليون جنيه قولت له مش عارف اطلعها، قالي طلع الخصية وحطها في كوباية دي بـ 5 مليون جنيه، وبعدها قالي شد الرئة وريح شوية على جنب.

بعدها دفست إيدي وطلعت القلب وكان صعب بس خرج في الأخر وحطيته في كيس، وقالي إقلبه على بطنه بالسكينة وافتح من فوق الفخد بشوية لحد الكعب، وقالي هات حتة من العظم وبعدها قالي أنزل شوف أي عيل صغير سبع سنين عشان الناس مش موافقة بعيل واحد ممكن اتنين يخش في سكة 35 مليون قلتله لأ كفاية وقعدت ابعت له رسائل أعمل إيه وفين الراجل اللي هيستلم الأعضاء مردش عليا وبعدها روحت على الجثة وفكرت أقطعها حتت عشان اعرف اتخلص منه ودخلت استحميت ولبست ونزلت الشارع روحت بيت في مستشفى الدمرداش على دكة الانتظار وبعدها اتمسكت.