سرفيس الشرقية يعمل بدون رقابة وبعض السائقين يتحدون الركاب
تداول رواد مواقع التواصل الاجتماعي وخاصة بمحافظة الشرقية الصعوبات التي يواجهونها عند استقلالهم سيارات الميكروباص من جشع بعض السائقين في عدة مواقف وكنا قد نشرنا في وقت سابق ماقيل عن استغلال بعضهم ورفع تعريفة الاجرة من جانب بعض السائقين في موقف السلام ونشر موخرا احد الرواد شكوي وطلب منة سائق تصويرة في مشهد تحدي غريب ينم عن الكثير اقلها انعدام الرقابة علي سيارات السرفيس في الشرقية واليكم ماتم نشرة
الراجل دا سواق ص صان الحسينية والعكس الراجل دا حصل منه موقف مش انساني خالص كنت راكب معاه انا واخويا واتنين صحابي ف الكرسي ال وراء السواق ع طول المفروض ان هو بياخد تلاته زي ما هو بيقول.
العربيه حملت م الحسينيه جايه صان ف في واحده ست ومعاها بنتين قالت عايزه اركب هنا ع شان معايا بنات ف الكرسي ال هو وراء السواق اخويا وواحد من الولات صحابي ركب ف الكرسي ده ف لما قالت عايزه اركب هنا قالوا ليها اركبي بس ركبو هما الخمسه ف الكرسي ده الولاد كانوا ارفيعين فا الكرسي اخدهم عادي حتي ف بنت من بنات الست ركبت ف مكان تاني الست نادت عليها تركب معاها وركبوا هما الخمسه ف الكرسي
الموقف ال حصل لميت الاجره عادي واخدت من الست اجرة فرد واحد بس انا مكنشي معايا فكه كان معايا ميه قولت للسواق خد الاجره وهات الباقي راح واخد الاجره بتاعت البنات م الميه اخد سبعين ورجعلي تلاتين بس قولتله لسه عشره قالي لا كده الاجره مظبوطه قولتله ليه قالي اجرة البنتين دول قولتله ازاي الاجره بتاعتك كامله ملكش دعوه وهما مستحملين وقاعدين القاعده دي وعايز تاخد منهم اجره ازاي قولتله طب خد خمسه وهات خمسه ال هو بحاول امشيها معاه بالحب بس كلامه كان مش اكويس
الكلام دا كان ف نص الطريق وقف العربيه وقال خليهم ينزلوا وياخدوا الاجره بتاعتهم???? المهم النااس قالتله امشي قولتله هي مش عافيه قالي لا عافيه قولتله لما انت عايز تاخد منهم اجره ليه ما قولتش وانت بتحمل كان قعدوا واخدوا راحتهم لكن هو فضل ساكت لعند لم الاجره وف نص الطريق ع شان ياخد اجره زياده سبتوا لما جينا صان قولتله انا ليا فلوس معاك قالي ملكش فلوس قولتله ازاي قالي هو كده قالي عندك #المركز وعندك المجلس قالي صور العربيه وعندك المجلس والمركز ونا كنت عايز كده قولتله عشره او خمسه جنيه مش هتفرق معايا بس انا مش مسامحلك فيهم
انا والله العظيم مش زعلان ع الفلوس انا زعلان م طريقه كلامه افرض كان ف واحد غيري ف الموقف ده كان هيمسك فيه وممكن والله اعلم ميكونش الست معاه فلوس
#ملحوظه الكرسي ال قدام ال هو جمب السواق كان راكب فيه شخص واحد وشايل الكرسي ليه هو حابب دي ومش حابب التانيه
قال سيدنا علي رضي الله عنه « من لانت كلمته وجبت محبته»
#السيدمحمدقطب ????
