مصممة أزياء روسية تُعلق علي ملابس أمينة شلباية

علقت مصممة الأزياء الروسية " فيرا زولوتاريفا"، عبر صفحتها الرسمية بموقع التواصل الاجتماعى "فيس بوك"، على ظهور خبيرة الإتيكيت أمينة شلباية مع الإعلامي عمرو أديب، قائلة: "المفروض قبل ما نروح أي لقاء تليفزيوني لازم نعرف موضوعه، ومعلومات كاملة عن المذيع".

وتابعت “فيرا”: "الضيفة هنا راحت لقاء موضوعه الإتيكيت بفستان شاطئ مفتوح صيفي بألوان تريندي، تقابل مذيعا معروفا أنه بيلبس بدل كلاسيك على طول، إيه كان الأنسب؟".

وأضافت: "بالإتيكيت لازم نحترم Dress Code لبس المذيع المستضيف لنا، فكان الأنسب يكون كتفها مقفول، وكان الأفضل يكون معاها بلوفر Soft بالدانتيل مثلًا تحطه على كتفها، بالإتيكيت لازم نحترم القاعدة العريضة من المجتمع اللى هيتفرج علينا، على سبيل المثال ملكة إنجلترا لما زارت دولة عربية لبست طرحة".

طيب هل كان للحالة دي حل؟
آه، كان الأفضل "والأروش" للمذيع لما شافها جت بفستان مفتوح إنه لازم يقرر يشيل الجاكيت الكلاسيك قبل التصوير علشان العين متنفرش من التناقض، وبعدها لازم يفتح اسورة كم القميص ويشمرها لفتين، لان بالاتيكيت الراجل لو شال الجاكيت لازم يشمر القميص..

الاتيكيت يعني إزاي استعمل أو أعمل الحاجة صح لنفسي ولمن حولي.
الاتيكيت مش في الأكل بس، ده في الكلام والتحركات واللبس "علشان كده اللبس له Dress Code".