عملاني «إستبن» علشان عارفة اني بحبها
انا كنت بحب بنت عمتي لدرجة اني مش شايف غيرها قدامي وهي اصغر مني كمان وعشان متضيعش مني روحت اعترفتلها وقولت لامها واخواتها واهلي واهلها عارفين ده بس هي مش مدياني اي اهتمام ولا اي حاجة لدرجة اني لما بكلمها بتتكلم ع اد السؤال بس وكمان لو رحت عندهم مثلا متقعدش تسيب الاوضة الي انا فيها مع اهلها وتمشي ومش عايزه تشوفني وعملت كل حاجة عشان أكسب حبها ورضاها لكن هي مش هنا خالص وفضلت ع الحال ده ٥ سنين وبصراحة تعبت وكرامتي بقت في الارض وقولت انا لازم مفكرش فيها تاني وابعد احسن وفعلا بعدت ١٠ شهور وحاليا هي بتفتح معايا كلام وتكلمني فون مع انها عمرها ما عملتها وبتضحك وتهزر معايا واي كلمة لو قلتها بتضحك عليها وبصراحه كده انا ضعفت وحبيتها اكتر م الاول ومش عارف دلوقتي ارجع واقولها اني لسه بحبها ولا اكمل ف البعد عشان الي باقي من كرامتي!!
