جوزي يبني طموحه علي حسابي وطمعان في فلوسي
مشكلتى ان زوجى ليه دخل شهرى كويس جدا الحمدلله وانا كمان ليا دخل يعتبر ربع دخله لما اتقدملى اتفق من نفسه مع اهلى ان مرتبى ليا وان هو ملزم بيا
بعد الجواز حصل شقاق بينا بسبب كتر مشاكل الماديات.
هو طموح جدا جدا، و الطموح كويس بس بيبنى الطموح ده على دخلى معاه سواء شقة او قسط عربية او خلافه من الاصول .
فى الاول وافقت طبعا بس جربت اطلب ان اتشارك معاه مقابل نسبة ليا مكتوبة حسب اللى ادفعه قلب عليا و بيتهمنى انى طماعة واستغلالية.
هو حاليا شايل منى اوى بسبب دخلى و بيصرف يا دوب الاكل والشرب، كل حاجة يقولى مانتى معاكى فلوس وهو حاسس داخليا انه منصوب عليه لان لازم اتشارك معاه و اديله فلوسى دون ادنى مقابل و اسعى معاه علشان اثبتله عدم طمعى فى دخلى انا و مبقاش كويس معايا ولا عنده اى نية للعطاء العادى بين الزوج لزوجته بسبب شعوره انى طماعة .
وانا من نظرى شايفاه مرتاح ماديا ومعظم دخله فى أقساط حاجات ليه و على الاقل اجيب لنفسى عربية مثلا او حاجة محتاجاها زيه لو كنت شايفاه محتاج مكنتش اتأخرت طبعا .
الموضوع وصل بينا لمشاكل و هو شايفنى طماعة فى فلوسى و انها من حقه رغم انه قادر كويس اوى يفتح البيت و شايف ان الست هى سند للرجال و تبقى فى ضهره ماديا زى مامته شالت البيت مع باباه
