إعترافات كبابجي متقاعد
تداول منشور عن الكفتة والكباب بشكل واسع علي صفحات الفيس بوك تحت عنوان
إعترافات كبابجي متقاعد ????
النهارده وانا قاعد علي البحر قابلت راجل كبير محترم اتعرفت عليه وطلع صاحب محل كباب و كفته من 35 سنه وحاليا ولاده كل واحد عنده محل والدنيا تمام .
المهم سألته
- ياحاج ايه حكايه الكفته وازاي اعرف الكفته الحلوه من الكفته المضروبه.؟
اسمع الرد
= ياباشا كل الكفته برا البيت مضروبه حتي اكبر محلات الكباب في مصر بتشتري من مصدر واحد (المذبح)
= هناك فيه معامل تحت السلم بتعمل أكياس ١٠ كيلو كفته يبدأ من 30 جنيه للكيلو لغايه 100 جنيه للكيلو
فرحت وقولتله
- تمام يبقي المحلات الكبيره بتشتري انظف حاجه ابو 100 جنيه
رد عليا وقاللي
= بلاش تعرف المعامل ده بتعمل الكفته من ايه
= ابو 30 بيحطوا حته دهن علي كل كيلو
= و ابو ١٠٠ ممكن يحطوا ديل ولا عظم مفروم
= أما الباقي ده مش لحمه اصلا ولا بقري ولا جاموسي ولا ضاني.
= انا خايف من ربنا قوي ياعالم مين أكل من عندي ومات ولا عاش
= تصدق إني مره عملت كفته نظيفه لحم ودهن من الجزار طبيعي
= عارف النتيجه بعت 15 كيلو رجع منهم حوالي 12 كيلو
= بيقولوا وحشه وفيها حاجه غلط الظاهر اننا اتعودنا علي البلاوي والميكروب..
= الرسول قال يا باشا لعن الله شاربها وحاملها وبايعها وساقيها
= دي الخمر
= فما بالك بالسم الهاري اللي اسمه كفته ...
= اوعي ياباشا تشتري كفته او لحوم من اي حد برا البيت وبلاش لحوم مصنعه خالص .
= يا بيه كل اللي بيشتري كفته وحواوشي ابو خمسه جنيه عارف
= و زيد عليهم اللي بيروح يدفع 450 في كيلو الكفته
= وفاهم انه كده امان
= بالعكس ابو 450 نفس المصدر ويزود علي الكيلو حته دهن او لية عشان يقولك ضاني
- امال ليه بيبيعوا ب 450 جنيه الكيلو ؟
= منظره ياباشا الإيجار والديكور والاغاني علي حسابك
هو مش فيه كبايه شاي ب ٥ جنيه وكبايه شاي ب ١٠٠ جنيه ؟
