معركة بين اعلامية وفنانة بسبب كلمة «زبال»

شنت الإعلامية اللبنانية ديما صادق الفنانة نادين نسيب نجيم، بسبب استخدام كلمة "زبال" بردها على أحد متابعي حديثها عن الزلزال الذي ضرب انطاكيا.

وشاركت الفنانة اللبنانية نادين نجيم تغريدة لها عبر حسابها على موقع التواصل الاجتماعي (تويتر) كتبت فيها: "هزة أرضية هلئ صرلي من مبارح عم حس إنه في شي غريب وما نمت مبارح بالليل".

ورد عليها مُتابع:"شوفي شو عم تاكلي بالليل قبل ما تنامي؟"، لترد نادين نجيم: "زبال".

وأعادت الإعلامية اللبنانية ديما صادق تغريدة ردّ نادين نجيم وردت عليها قائلة: "ولو؟ ولو؟! ممثلة لبنانية بتستعمل مهنة "الزبال" كشتيمة؟! شي مخزي جداً إنه يكون مستوى الوعي والإنسانية والشعور والثقافة متدني لهذه الدرجة عند أشخاص بيأثروا بملايين المعجبين. طبعاً من المسلَّمات إنه ما في شي مهين بأي مهنة، المهين للجنس البشري إنه يكون في ناس يفكروا بهالطريقة".

وردت نادين نجيم عليها: "حبيبتي ديما إنت معوّدة على المسبّات والشتايم بتحسّي حالك عندك قيمة، أنا ما معوّدة راسي ما بيحملني هيك اتربيت خاصة إذا حدا اتطاول عليي بشكل كتير بشع. والزبّال هو يلي بيكب وسخه وين ما كان ونفسيته وسخة. يلي بينظف ما اسمه زبّال وما بعيّطله زبال لأن بكون عم بجرّحه، هيك علّموني بالمدرسة".

وغردت ديما صادق على تغريدة نادين مجدداً : "نادين، أنا لما إختار رد عادة بختار مستوى معين من الناس بيستاهلو الرد. عندي مستوى معين ما بنزل عنه. أنا الناس اللي بتفتكر إنه كلمة ومهنة زبّال هي كلمة مهينة فهول ناس أكيد ما بنزل لمستوى الرد عليهن لسبب إنه حتى لو ردّيت مستواهم الفكري والثقافي ما بخوّلهم يفهمو الجواب، متل ما واضح من ردك".

وتابعت: "فلهيك ما تتعبي حالك وتردّي ع هل تويت لأني ما حردّ، وفّري ع حالك هالإحراج، أحسن ما يقولو: "ما تعبت حالها تنزل لمستواها وترد عليها"".
من هي ديما صادق؟


إعلامية لبنانية عملت في جريدة السفير وهي طالبة في الجامعة، عند تخرجها عملت لسنتين كمساعدة لرئيس تحرير صحيفة السفير، الراحل جوزيف سماحة. وبدأت عملها التلفزيوني في عام 2007 مع انطلاق تلفزيون الأوتي في (OTV) مذيعة أساسية لنشرة الثامنة ومقدمة البرنامج السياسي الصباحي.