ابن يضع اهلة في ورطة بالسرقة والافلام الاباحية

استاذ محمد ارجو عرض مشكلتى لانى للاسف اكتشفت انها مشكله جيل كامل للاسف بدون اسم لو سمحت.... ابنى الكبير فى اولى ثانوى ازهر للاسف من سنه تقريبا اكتشفت ان فيه فلوس بتروح بتروح من البيت بتكون فلوس شغل مره واتنين وعشره وفى كل مره اكلم نفسى وادور مش لاقيها وزوجتى عمرها طبعا ما تعمل كده خالص وانا عمرى ما حرمت حد عندى من حاجه حتى لو حاجه مش قادر اجيبها بقول شويه كده واجيبها يعنى مش مقصر الحمد لله فى حاجه .

الابن يسرق امول الاهل

. ويكمل الاب حديثة قائلا فجت زوجتى قالت حعمل اختبار لاولاد واشوف فعملت اختبار لابنى الكبير الى للاسف فى الازهر وفى اولى مراحل الثانوى فوجئنا انه وقع فى الاختبار ومد ايده على فلوس طبعا لما لقينا كده قعدت معاه واتكلمت للاسف مش عاوز يتكلم خليت جسمه احمر وازرق بينكر خدت تليفونه لقيت مصايب عليه وبيشترى اكونتتات من ناس على النت ولقيت افلام اباحيه ولقيت شخصيه تانيه خالص غير الى بيتعامل بيها معانا فى البيت وكمان مكنش بيروح الدروس وكان يروح مكان معين مع اصحابه شقه بتاعه بلايستيشن وكده فى احد المراكز اكنها شقه عمله زى شقق الدعاره ويفهمنا انه بيروح الدروس

افلام اباحية علي هاتف الابن

وهوا مكنش بيروح وطبعا غير قنوات التليجرام والبلاوى الى عليها ويقابل صحابه من ورانا ويروح هنا وهنا كل ده من ورانا وللاسف بتكلم معاه مش راضى يتكلم واحنا الحمد لله فى حالنا وبنصلى ومش بنأذى حد وفى حالنا المهم رحت المعهد معاه لقيت الدفعه كلها الى خارج وبيشرب سجاير من اللجنه والى عامل بشله فى راسه غير اوسخ الشتايم وقله الادب والمسخره وادركت وقتها انها مشكلة جيل كامل

اصدقاء الابن اشكالهم شوارعية ووجوههم فيها بشل

بقيت اكلم نفسى اقول ده الجيل الى طالع ده الازهر الشريف بيطلع مصايب للاسف بقيت اقول لربنا عليه العوض ومنه العوض فى الى جاى وهى دى الاجيال الى طالعه ربنا يسترها علينا وعلى اولاد المسلمين وشكرا ...