مأساة زوجة زوجها في السجن لقضاء عقوبة 5 سنوات وزميله يطارها بالهدايا

انا عندى مشكلة صعبة شوية ومش قادرة اتصرف ولا عارفة اعمل ايه

انا جوزي محبوس واخد ٥ سنين بسبب وصولات الامانة والقروض وعندي طفلين و محدش بيساعدني ولا اهله ولا اهلي انا بشتغل علشان اقدر اعيش وعايشه معاهم في بيت العيله و دلوقتي عدى ٩ شهور ومش عارفه هكمل كده ازاي

زميلي في الشغل يطاردني

وفي زميل ليا في الشغل بيفضل يقولي كلام اني لازم انفصل واشوف حياتي لاني لسه صغيره وهو مستعد يتجوزني وعنده استعداد ينحمل مصاريف الولاد بس زوجة تانيه وقالي هجبلك كل اللي عاوزاه وعاوزني اطلع من الهموم اللي انا فيها و دايما بيحاول يفرحني بهدية او غدا او اي حاجه بيعرف اني محتاجها وانا والله محتاره وخايفه اخد قرار اندم عليه بعدين هل من حقي فعلا اني اطلق واشوف حياتي ولا كده هبقى تخليت عنه ومش بنت اصول بس انا حاسه اني كبرت ١٠ سنين من اللي شوفته الفترة اللي فاتت

ياريت لو حد عنده رأي يقولي عليه لاني تايهه ومش عارفه افكر ولا اخد اي قرار لاني يعتبر لوحدي ومليش حد يشور عليا