ايناس مكي : الفنان مش مستباح وشقيقي احمد مكي محسود

قالت الفنانة إيناس مكي ان التعامل مع الفنانة على أنها شخص مستباح امر مرفوض، وفي نفس الوقت هاجمت ايناس مكي لفنانات اللاتي يقدمن مشاهد مخلة.

وكانت ايناس مكي ضيفة علي برنامج "كلام الناس" على قناة mbc مصر إن الفنانة ليست مستباحة، وفي نفس الوقت ليست لديها حصانة ضد النقد البناء، ويجب أن يتم احترامها لأنها عاشت تحترم نفسها وتحترم جمهورها

واضافت مكي : ان"الناس أصبحت تفكر ألطش للنجم من فين أو ألطش للنجمة من فين، ليه الجمهور بيعتبر الفنانة مباحة، ليه أصبحت توجد حالة من استباحة كرامة الفنانة".

وقالت مكي موضحة " انا ما أقدرش أقول للجمهور حافظ على مشاعر فنانة قدمت أدوار فيها مشاهد مخلة، لأنها ما حافظتش على مشاعرها، وهي عارفة لما هتعمل كده هتسمع الكلام السم ده".

وقالت الفنانة إيناس مكي موضحة اعتذارها عن بطولة فيلم "مواطن ومخبر وحرامي" بعد شهرين من التدريب؛ لاحتوائه على بعض المشاهد الحميمية، مضيفة "كان نفسي يكون ليا نصيب للمشاركة في الفيلم، فبعد مجموعة أعمال عملتها الأستاذ داوود عبد السيد طلبني للفيلم".

مشيرة الي ان "الفيلم كان ليه بطلتين واحدة متحررة بتاعة كتب وبتتكلم عن حرية المرأة ودي الشخصية اللي اتعرضت عليا، والبطلة التانية من الطبقة الشعبية، واللي اشتغلت معايا البروفات كانت حنان ترك مش هند صبري".

واكدت انها"اشتغلت شهرين بروفات والدور لو كنت عملته كان هيبقى نقلة رهيبة ليا، وكان 35 مشهدا، لكن كان منهم 7 مشاهد فيهم مشاهد أنها هتبقى بقميص النوم وهتقلعه وهتبقى بالملابس الداخلية وأنا مش هعرف أصور ده، وفي مشاهد تانية حميمية"، مؤكدة أن هذا ما دفعها للاعتذار عن بطولة الفيلم.

وكشفت رد فعل المخرج داوود عبد السيد، قائلة "هو سألني يعني حضرتك معترضة على إيه بالظبط، قلتله أنا مش ممثلة متخلفة ومؤمنة بدوري في توصيل المشهد لكن التفاصيل دي أنا مش هقدر أقدمها".

وقالت انها غير نادمة علي قرارها الاعتذار عن الدور؛ موضحة أن الشخصية تم إسنادها لوجه جديد، قامت بتقديم المشاهد السبعة، مع حذف باقي تفاصيل الشخصية والمشاهد الأخرى.

وعن طبيعة علاقتها بشقيقها الفنان أحمد مكي، قالت الفنانة ايناس مكي "أحمد على طول متصاب من العين وهو نجم من أيام المعهد، حيث كان نجما في الإخراج، وهذا ساعده لما بقى نجم".