ملك احمد زاهر .. تنتقد اسعار الساحل الشمالي . ودا ممكن ابيع كليتى اليمين علشان أكمل يومين «

أعربت الفنانة الشابة ملك احمد زاهر عن استيائها من ارتفاع الأسعار في الساحل الشمالي، مشيرة إلى أنها تشعر وكأنها في حلم.

وقالت ملك أحمد زاهر عبر خاصية استوري على حسابها بموقع إنستجرام: إيه الأرقام اللي بشوفها في الساحل الشمالي دي؟ أنا مرعوبة حاسة إني في حلم، أرخص حاجة هنا في الساحل بـ 375 ألف جنيه وغالبا بتكون المياه.

وأضافت ملك زاهر: فين أيام الساحل الطيب؟ كنا بنتفرج على مسرحية العيال كبرت يوميا وبدون ملل ومبسوطين فين الأيام دي؟ أنا ناقص أبيع كليتي اليمين عشان أكمل يومين في الساحل الشمالي.

ملك زاهر

وجوري بكر تنتقد أسعار الساحل الشمالي

وسبق وانتقد العديد من الفنانين الأسعار في الساحل الشمالي، من بينهم الفنانة جوري بكر، والتي قالت في مقطع فيديو سابق عبر موقع إنستجرام: إحنا بنتعب عشان نجيب فلوس، والناس اللي فاكرة أننا بناخد ملايين، لكن أنا وجوزي مغتربين عشان نعيش كويس.

وواصلت جوري بكر: ليه أحس إني بتسرق في الساحل الشمالي؟ ومش هدفع 370 جنيه في مياه أو ساندويتش، ارحموا من في الأرض يرحمكم من في السماء.

بينما سبق وعلق المخرج خالد يوسف على ارتفاع أسعار الساحل الشمالي، وكتب عبر حسابه بموقع فيسبوك: الساحل الشمالي من أجمل شواطئ العالم، لكنه واحد من أغلى شواطئ العالم في تكلفة الإقامة والمعيشة، لدرجة إني أكاد أجزم أنه لا يستطيع الاستمتاع به غير 5% من أهل مصر.

كلمات البحث