حقيقة انفصال شيماء سيف عن زوجها محمد كارتر

كشف المنتج محمد كارتر زوج الفنانة شيماء سيف حقيقة الأنباء التي انتشرت خلال الساعات القليلة الماضية، التي زعمت انفصاله عن الممثلة بعد زواج استمر 6 سنوات

وقال محمد كارتر زوج شيماء سيف في تصريحات صحفية:" طبعا الكلام دا محصلش وكل يوم بيطلع علينا نفس الإشاعة مش أول مرة ومعرفش ليه يمكن علشان متزوجين بقالنا كتير!!.. إحنا حقيقي زهقنا من الشائعات ولو حصل انفصال هنقول

وكانت الفنانة شيماء سيف في وقت سابق في لقاء مع برنامج "et بالعربي"، كشفت حقيقة طلاقها من زوجها المنتج محمد كارتر.

وقالت شيماء سيف: "أنا الحمد لله كويسة، والحالة كويسة، وإحنا كويسين خالص والكلام ده مش حقيقي".

وأضافت: "في حاجات كتير أوي بتتقال، لكن أنا مش ببص للشائعات دي خالص، أنا بكمل والأيام اللي بتثبت العكس، لأن لما برد على الحاجة بتكبر".

وتابعت: "أنا معرفش إيه مصدر الشائعات دي، الناس مش بتكون مقدرة الشائعات دي بتعمل إيه في أهالينا، في مرة قالوا إن عندي سرطان ومامتي كلمتني قالتلي أنتي كويسة قالتلها أيوه وكده، وبعدين هي شكت إني مخبية عليها، فلقيتها كلمتني تاني تطمن".

يشار إلى أن شيماء سيف ومحمد كارتر تزوجا في 19 أكتوبر 2018، في حفل ضخم حضره العديد من نجوم الفن والمجتمع.