مفاجأة جديدة في قضية اعتداء طبيب تجميل أكتوبر على شقيقة زوجته

تفاصيل ومفاجأة جديدة في قضية طبيب تجميل أكتوبر المتهم بخطف واغتصاب شقيقة زوجته أكثر من مرة، توضحها أقوال والدة ضحية طبيب تجميل أكتوبر.

وصرحت إيمان.ح، والدة المجني عليها خلال تحقيقات النيابة العامة، أنها يوم 26/7/2023 تلقت اتصالًا هاتفيًا من ابنتها الكبيرة سارة وأخبرتها أنها عثرت على حقنة منع حمل في القمامة وعندما سألت شقيقتها الصغرى عنها أخبرتها أن زوجها مصطفى، طبيب تجميل أكتوبر، أقام معها علاقة غير شرعية كرها عنها.

كما أوضحت والدة ضحية طبيب تجميل أكتوبر خلال التحقيقات: بنتي اتصلت بيا وقالت لي أنا لقيت حقنة منع حمل في الزبالة، ولما سألت أختي عنها قالت لي أن مصطفى جوزك مارس معايا علاقة غير شرعية بالعافية، وأنه استغل عدم تواجدها في الشقة لأنها راحت السوق وأجبرها على ممارسة علاقة.

وأضافت والدة الضحية: "بنتي قالت لي إن اختها تعرضت للاعتداء الجسدي وهي لسه مكملتش 15 سنة"، وتم إبلاغ الشرطة عن الواقعة، كما تم تحرير محضر برقم 3871 لسنة 2023 إداري، تتهم فيه الأم زوج ابنتها الكبرى بالخطف والاعتداء الجسدي على ابنتي الصغرى ومواقعتها كرها عنها.

كما قالت ضحية طبيب تجميل أكتوبر: "إن يوم 25 يوليو كنت موجودة في أوضة النوم في شقة اختي سارة في هرم سيتي بتفرج على التلفزيون وجوزها استغل أنها نزلت تشتري حاجات من السوق ودخل عليا الأوضة ومسك إيدي وكان معاه آلة حادة وهددني بيها، وأجبرني أني أخلع البنطلون وبعدها مارس معايا علاقة ونزفت.

وأكملت الضحية: "كنت بتحاول مقاومته لكن هو مكنش ساكت وكان بيضربني، وقال بعدها لو قولتي لحد هحبس أمك وابوكي ولبست هدومي ومقولتش لحد حاجة وتاني يوم اختى نزلت من الشقة وكرر الموضوع معايا تاني وبعدها أداني حقنة معرفش بتاعت إيه".

وتابعت ضحية طبيب تجميل أكتوبر: "لما أختي رجعت شافت الحقنة في الزبالة وسألتني إيه دي، قولت لها على اللي حصل معايا ومشينا روحنا بيت ماما، وقعدنا في شقة جدتي وبعدها جه هو، وأنا كنت بشتري حاجات من الصيدلية وشدني من إيدي وركبني العربية بتاعتها وخدني شقة في الحصري وكان بيحط لي الأكل ويسيبني ويمشي ويرجع يمارس معايا العلاقة لحد في يوم ما خرج وأنا اتأكدت إنه مش موجود وصرخت من الشباك والناس كسرت الشقة وجابوا الشرطة واتصلوا بماما وبعدها عرفوا اللي حصل معايا.