رفض يرجعلي فلوسي.. إحالة المتهمين بإنهاء حياة شاب في المرج إلى الجنايات
أحالت جهات التحقيق المختصة المتهمين في واقعة مقتل شاب بالمرج بعد أن أنهوا حياته بطعنة نافذة في الصدر، بسبب خلاف على مبلغ مالي 500 جنيه سددهم المتهم الرئيسي للمجني عليه، بعد سرقة هاتف من أحد أهالي المنطقة، ووعد باستعادتهم وتهرب إلى الجنايات بتهمة قتل الشاب.
مقتل شاب في المرج
وكشفت التحقيقات في القضية التي حملت رقم 9906 لسنة 2024 إداري المرج والمقيدة برقم 978 حصر تحقيقات، أن المتهين أنهوا حياة المجني عليه بطعنة نافذة في الصدر بسبب خلاف على مبلغ مالي 500 جنيه.
وزعم المتهم الرئيسي في الواقعة، م.ع خلال التحقيقات، بأن بداية الواقعة تعود إلى أنه وجد مجموعة من الأهالي ممسكين بـ المجني عليه بعد اتهامه بسرقة هاتف محمول، معقبًا: أنا كنت عارفة بيجي يقعد على مقهى ابن عمل، فتدخلت لفض المشكلة ودفعت للأهالي 500 جنيه تمن الموبايل واتفقت معاه إنه هيرجع المبلغ.
وأضاف المتهم: قعدت أحاول معاه أكثر من مرة علشان آخد فلوسي واتخانقت معاه في الشارع، وروحت لابن عمي وهو كلم ناس عارفين بيته وقابلناهم على القهوة وراحوا اتكلموا معاه وقالولي ده مش معاه حاجة ومدمن آيس والشقة عنده على البلاط.
واستكمل: جبنا عتلة معانا وكان معايا مطواة وطلعت أنا وابن عمي على بيته وبعدين هو مرضاش يفتح الباب فكسرنا الباب بالعتلة، ودخلنا لقيناه جوة الشقة فضربته في صدره بالمطواة ونزلنا به الشارع فلقينا الناس اتلمت علينا، وأخدوه مننا وطلبوا الحكومة وهو كان مات.
