مأساة نبروه.. جريمة أب أنهت حياة 3 أطفال وكسرت قلب أم حلمت فقط بالنجاة

في مشهد يمزق القلوب ويدمي العيون، خرجت نجوى الزيادي، الزوجة الناجية من المأساة التي هزّت مدينة نبروه بالدقهلية، عن صمتها لتروي تفاصيل ما حدث في يومٍ تحوّل إلى كابوس مأساوي، بعدما أقدم زوجها عصام على قتل أبنائه الثلاثة، ومحاولة التخلص منها، قبل أن ينهي حياته.

نجوى، التي عادت إلى منزلها بعد أيام من تلقيها العلاج بمستشفى الطوارئ، ظهرت في بث مباشر عبر «فيس بوك»، تتحدث بصوت متهدّج ودموع لا تتوقف قائلة: "أنا فيا وجع كبير من يوم اللي حصل.. بحلم بكوابيس.. مش متخيلة إن العيال راحوا مني.. كانوا بالنسبالي عيالي بجد.. يا رب صبرني.. بحلم بعصام إنه بيموتني كل شوية."

“مكنش ينفع أكمل معاه”.. اعترافات مؤلمة من قلب الجرح

روت الأم المكلومة تفاصيل معاناتها مع زوجها، قائلة: "مكنش ينفع أكمل معاه.. اتحملت كتير، ولما طلبت الطلاق كان من حقي.. أنا تعبت ومش عايزة حد يظلمني ويقول إني السبب. الطلاق ده ربنا حلله، والعلاقة بينا وصلت لمرحلة ما ينفعش نكمل بعدها."

وتابعت بصوت يغلبه البكاء: "أنا اتجوزته عشان العيال.. مش عشان محتاجة راجل في حياتي. كنت مبسوطة، والمحل بتاعي مكفيني. اتجوزته عشان خاطر أولاده، كانوا يتامى وصعبانين عليا.. قلت هم زي أولادي."

"ما كنتش محتاجة منه حاجة".. تفاصيل خلافات ما قبل الجريمة

وأضافت نجوى: "أنا الحمد لله ما كنتش محتاجة منه فلوس ولا حاجة. ورثت من أبويا، ولما جيت أعمل جمعية، عصام قال لي خدي 60 ألف جنيه وبلاش تعملي جمعية لحد ما تاخدي الورث. ولما أخدت ورث أبويا سددتهم له. الناس ما تحكمش عليا وتقول لي كنت كملي.. أنا تعبت، خلاص، ماكنش ينفع أعيش كده."

لحظات الرعب.. من الطلاق إلى الطعن

كانت نجوى الزيادي قد تعرضت للطعن على يد زوجها عقب تهديده لها بسبب إصرارها على الطلاق.
وفي لحظة جنون، نفّذ تهديده البشع، حيث أقدم على قتل أطفاله الثلاثة: مريم، ومحمد، ومعاذ، ثم حاول قتلها، قبل أن يطعن نفسه وينهي حياته.

مدينة تبكي على مأساة أسرة

شهدت مدينة نبروه بمحافظة الدقهلية واحدة من أبشع الجرائم التي صدمت الرأي العام خلال الفترة الأخيرة.
ففي لحظة غاب فيها العقل، تحولت الأسرة الصغيرة إلى مسرح لمأساة إنسانية موجعة، لتبقى صرخات الأم المكلومة شاهدة على يومٍ لم ولن يُنسى في تاريخ المدينة.