اعترافات رجل يعاني من زوجتة -مراتي مش بس مهملة .. كمان «حشرية»
متجوز من ٨ سنين مراتى مهمله وبتصحى متاخر بصحى اشرب شاى وافطر نفسى ولما برجع من الشغل الاقى الكوبايه مكانها ولو مادخلتها المطبخ لو فضلت العمر كله.
الشقه متبهدله وتخرج تروح لامها والعيال فى المدرسه وترجع قبل مارجع بشويه الاقيها لسه بتطبخ وتخلص بليل اعاتبها تزعق وتقولى حرام عليك تعبت منك ومن العيال كل يوم طبيخ وأكل وشرب ده الخدامين بياخدوا أجازه.
مع انى بشترى الطلبات كلها من خضار للعيش للجبن وفاكهة ارجع من الشغل الاقى العيال عرقانه ولبس مش نضيف ادخل اشطفهم واغير ليهم ترد تقولى مالك متكبر وعايش الدور.
انا والله قرفت منها وكل يوم مشكله مع الجيران اقولها خليكى فى حالك قله الكلام ومعامله الناس فى حدود اجمل حاجه تقولى انت راجل عقد ولا ليك صحاب ولا معارف اخر ماتعبت خيرتها لاتشوف بيتها وتخليها في حالها لا تتطلق وعلى اهلها.
